ශ්‍රී ලංකාවේ පාසල් ඉතිහාසයේ මාධ්‍ය මහා විද්‍යාල සංකල්පයේ පුරෝගාමී මෙහෙවරක් ඉතිහාසයට එක් කරනු ලැබූ කන්ද උඩරට විදුහල් දෙකක් වන නුගවෙල මධ්‍ය මහා විද්‍යාලය සහ වලල ඒ රත්නායක මධ්‍ය මහා විද්‍යාලය අතර පැවැත්වෙන වාර්ෂික මහා ක්‍රිකට් තරගාවලිය “රන් නිල් මහා සටන” (Bttale of BlUE AND GOLD) මැයි මස 30 හා 31 යන දිනවලදී පල්ලේකැලේ ජාත්‍යන්තර ක්‍රිකට් ක්‍රීඩාංගනයේදී පැවැත්වේ.
20 වැනි වරටත් පැවැත්වෙන මෙම රන් නිල් මහා සටනේ (Bttale of BlUE AND GOLD) නුගවෙල මධ්‍ය මහා විද්‍යාලයේ කණ්ඩායම් නායකත්වය ඉෂාර ඒකනායක විසින් හා උප නායකත්වය මනුල පොල්කොටුව විසින් දරණ අතර, වලල ඒ රත්නායක මධ්‍ය මහා විද්‍යාල කණ්ඩායමේ නායකත්වය සහන් ගුණතිලක විසින් ද, උප නායකත්වය චාමික එදිරිසිංහ විසින් දරනු ලබයි.
මෙතෙක් පාසල් දෙක අතර පැවති වාර්ෂික ක්‍රිකට් තරගවලදී නුගවෙල මධ්‍ය මහා විද්‍යාලය තරග 06ක් ජයග්‍රහණය කොට ඇති අතර, තරග 04ක් වලල ඒ රත්නායක මධ්‍ය මහා විද්‍යාලය ජයගෙන ඇත. තරග 09ක් ජය පැරදුමෙන් තොරව අවසන්වී ඇති අතර 2024 වර්ෂයේ දී අවසන් වරට පැවති තරගාවලිය ජය
ගැනීමට නුගවෙල මධ්‍ය මහා විද්‍යාල කණ්ඩායම සමත් වී ඇත.
වලල ඒ රත්නායක මධ්‍ය මහා විද්‍යාලයේ විදුහල්පතිනිය ලෙස අයි. ඒ. ජී. එල්. මාරසිංහ කටයුතු කරන අතර නුගවෙල මධ්‍ය මහා විද්‍යාලයේ විදුහල්පතිනිය ලෙස ආර්.බි.ඩබ්ලිව්.ඒ.එම්.එච්. රජගුරු මහත්මිය කටයුතු කරයි.
වලල ඒ රත්නායක මධ්‍ය මහා විද්‍යාලය කණ්ඩායම
පළමු පෙළ (වමේ සිට)
චාමික එදිරිසිංහ (උප නායක), සංජීව සීලරත්න (පුහුණුකරු), ඉසුරු සමරක්කොඩි (ක්‍රිඩා පරිපාලක), අයි. ඒ. ජී. එල්. මාරසිංහ (විදුහල්පති), ස්වර්ණ පාලිත (ක්‍රීඩාභාර ආචාර්ය), සහන් ගුණතිලක (නායක)
දෙවන පෙළ (වමේ සිට)
බිම්සර රණතුංග, හේෂාන් රාජපක්ෂ, වෙනුර හාරිස්පත්තුව, නෙමික ජයවර්ධන, කවිෂ ධර්මසිරි, යසස් කරුණාරත්න, පසිදු මනතුංග, සසිදු හිමාශ, රවිෂ රූපසිංහ, දුල්සර සීලරත්න, අංජන බණ්ඩාර.
තෙවන පෙළ (වමේ සිට)
දිනෙත් විජේදාස, දිසිදු ආරියවංශ, රවිඳු සිරිමාන්න, සදුෂ ඉදිවර, රවිඳු රාජපක්ෂ, කවීෂ නෙත්මිණ, මලිදු පවන්, තිමිර සදමින, මොහොමඩ් යුනිස්, මනුජ රශ්මිකර, දිනෙත් බණ්ඩාර.
නුගවෙල මධ්‍ය මහා විද්‍යාලය කණ්ඩායම
පළමු පෙළ (වමේ සිට)
මනුල පොල්කොටුව (උප නායක), ආර්. ජේ. විලත්ගමුව (පුහුණුකරු), ආර්. බී. ඩබ්. ඒ. එම්. එච්. රාජගුරු (විදුහල්පති), මහේෂ් නිලංක (ක්‍රීඩා පරිපාලක), ඉෂාර ඒකනායක (නායක)
දෙවන පෙළ (වමේ සිට)
අවන්ත රසංජන, ලක්ෂාන් වත්සල, තේමිය සන්සිත, ඔසද වෙළගෙදර, නෙතික ගුණතිලක, සංගීත් බණ්ඩාරනායක, අශ්මික ජයවංශ.
තෙවන පෙළ (වමේ සිට)
සදීප කව්ෂල්, ජනුදු ශෙහාරා, සනිත තරින්, රශ්මික යසින්ද, කවීෂ කුමාරසිරි, ලක්ෂාන්ත පෙරේරා, නිම්සර හේෂාන්, හර්ෂණ විජේකෝන්, තීක්ෂන නවෝද්.
ජානක සම්පත් බණ්ඩාර – ගුන්නෑපාන
