සිරගත කරන ලද හිටපු ඇමැතිවරුන් වන මහින්දානන්ද අලුත්ගමගේ සහ නලින් ප්‍රනාන්දු යන අය පෙරේදා (29දා) රාත්‍රී වැලිකඩ බන්ධනාගාරය වෙත රැගෙන ඒමෙන් පසු ඔවුන්ට සිර ඇඳුම් (ජම්පරය) ඇන්දවීමට බන්ධනාගාර නිලධාරීන් කටයුතු කර තිබේ.
ඔවුන් දෙදෙනා වැලිකඩ බන්ධනාගාර අධිකාරිවරයාගේ අධීක්ෂණය යටතේ කුමන ස්ථානයක රඳවනවාද යන්න තීරණය කිරීමට නියමිත බවත්, සිරගතවීමෙන් පසු ඔවුන් සිරගෙදර ගතකළ යුතු ආකාරය පිළිබඳව දින 2ක පමණ දැනුවත් කිරීම් සිදුකර ඔවුන් වැඩ අංශයට හෝ මුද්‍රණ අංශයට හෝ වෙනත් අංශයකට යොමු කරනවාද යන්න බන්ධනාගාර අධිකාරිවරයා විසින් තීරණය කරන බවත් බන්ධනාගාර කොමසාරිස් මාධ්‍ය ප්‍රකාශක ගාමිණී බී. දිසානායක මහතා ‘දිවයින’ට පැවසීය.
වැලිකඩ බන්ධනාගාරයේ දුමින්ද සිල්වා, එස්.එම්. රංජිත් ඇතුළු සිරකරුවන් 2900ක පමණ පිරිසක් ඊයේ වනවිට රඳවා තිබිණි.
මෙම පිරිසට බන්ධනාගාරය තුළින් ලබාදෙනුයේ පැදුරු සහ කොට්ටය පමණක් බව එම ආරංචි මාර්ග පවසයි.
චමින්ද සිල්වා සහ නෝමන් පලිහවඩන
