ඉන්දීය ආරක්ෂක මාණ්ඩලික ප්‍රධානී ජෙනරාල් අනිල් චෞහාන් සින්දූර් මෙහෙයුමේදී පාකිස්තාන ප්‍රහාර නිසා තම ප්‍රහාරක යානාවලටද හානි වූ බව මුල්වරට පිළිගෙන ඇත. “වැදගත් දෙය නම් ජෙට් යානය බිම හෙළීම නොව ඒවා බිම හෙළුවේ ඇයි… කුමන වැරදි සිදු වූවාද…? වැදගත් ඒවායි. සංඛ්‍යා වැදගත් නොවේ” යැයි ඔහු විදේශ රූපවාහිනි නාලිකාවක් සමග පවසා ඇත.
රොයිටර් පුවත් සේවය සමග පැවති වෙනම සම්මුඛ සාකච්ඡාවකදී ජෙනරාල් චෞහාන් පැවසුවේ ඉන්දියාවට සිදු වූ පාඩුව මැයි 7 වැනිදා සින්දූර් මෙහෙයුම දියත් කළ මුල් දිනයේ වාර්තා වූ බවයි.
පාකිස්තාන ගුවන් හමුදාව ප්‍රංශයේ නිෂ්පාදිත රෆෙල් ඇතුළු ඉන්දියානු ගුවන් යානා පහක් වෙඩි තබා බිම දැමූ බව හිටපු ඉන්දීය අමාත්‍ය සුබ්‍රමනියම් ස්වාමි මීට දින කිහිපයකට පෙර ප්‍රකාශ කර තිබිණි. ආරක්ෂක මාණ්ඩලික ප්‍රධානී ජෙනරාල් අනිල් චෞහාන් කළ ප්‍රකාශයත් සමග ඉන්දීය විපක්ෂය මේ ගැන පාර්ලිමේන්තු විවාදයක් ඉල්ලා තිබේ.
චතුර පමුණුව
