මහරගම, පතිරගොඩ ප්‍රදේශයේ ජල බස්නා කාණුවක තිබී මිලිමීටර් 9 වර්ගයේ උණ්ඩ 60ක් ඇතුළු ජීව උණ්ඩ 115 ක් සහිත පාර්සලයක් ඊයේ (23දා) සොයා ගත් බව මහරගම පොලිසිය පවසයි.
මහරගම පොලිසියේ අපරාධ විමර්ශන අංශයට ලද තොරතුරකට අනුව එහි ගිය නිලධාරීන් කණ්ඩායමක් මහරගම පතිරගොඩ ප්‍රදේශයේ ජල බස්නා කාණුවක් පරීක්ෂා කිරීමේ දී සැකකටයුතු පාර්සලයක් සෙයාගෙන ඇත.
පසුව එම පාර්සලය පොලිස් භාරයට ගෙන පරීක්ෂා කිරීමේදී එහි තිබී මිලිමීටර් 9 වර්ගයේ ජීව උණ්ඩ 60ක්ද, ටී. 56 වර්ගයේ ජීව උණ්ඩ 45ක්ද, රිවෝල්වර සඳහා භාවිතා කරන ජීව උණ්ඩ 10ක් ඇතුළු ජීව උණ්ඩ 115ක් සොයා ගත් බව පොලිසිය පවසයි.
මෙම ජීව උණ්ඩ කිසියම් අපරාධයකට රැගෙන ආ ඒවාද? යන්න සම්බන්ධයෙන් විමර්ශන සිදු කරති.
එස්.ඩී අබේසිංහ – මහරගම
