ඉන්ධන ගාස්තු වැඩි වුවත් මේ වෙලාවේ පාසල් වෑන් සහ ත්‍රිරෝද රථ ගාස්තු වැඩි කරමින් දෙමාපියන් හා මගී ජනතාව අපහසුතාවට පත් නොකරන බව එම සංගම්වල සභාපතිවරු ‘දිවයින’ට ඊයේ (01දා) පැවසූහ.
මේ මොහොතේ පාසල් වෑන් හා ත්‍රිරෝද රථ ගාස්තු ඉහළ දැමුවහොත් පාසල් දරුවන් මෙන්ම මගී ජනතාව ද එම සේවාවෙන් ඈත්වනු ඇතැයි ඔවුහු කියා සිටියහ. පාසල් වෑන් රථ ගාස්තුව දැනට පවතින ආකාරයටම පවත්වාගෙන යන බවත් වෑන් රථවලට අවශ්‍ය ටයර්, බැටරි, අමතර කොටස්වල මිල පහත දමා සහනයක් සලසා දෙන ලෙසත් සමස්ත ලංකා අන්තර් දිස්ත්‍රික් පාසල් සිසුන් ප්‍රවාහන සේවා සංගමයේ සභාපති එන්. එම්. කේ. හරිස්චන්ද්‍ර පද්මසිරි මහතා ‘දිවයින’ට පැවසීය.
ප්‍රදීප් ප්‍රසන්න සමරකෝන්
