LOLC ෆිනෑන්ස් පීඑල්සී, බැංකු නොවන මූල්‍ය ක්ෂේත්‍රයේ නව මිණුම් සලකුණක් සටහන් කරමින්, 2025 මාර්තු 31 න් අවසන් වන මූල්‍ය වර්ෂය සඳහා රුපියල් බිලියන 25 ක කැපී පෙනෙන බදු ගෙවීමෙන් පසු ලාභයක් වාර්තා කර තිබේ.
මෙමගින් පසුගිය මූල්‍ය වර්ෂය තුළ වාර්තා වූ රුපියල් බිලියන 21.5 ක ලාභයට සාපේක්ෂව ආකර්ෂණීය වැඩිවීමක් සටහන් කරමින් දශාංශ දෙකක ලාභ වර්ධනයක් ලබාදී ඇත. ඓතිහාසික සන්ධිස්ථානයක් පසුකරන මෙම ක්‍රියාකාරීත්වය බැංකු සහ බැංකු නොවන මූල්‍ය ආයතන අතර සාම්ප්‍රදායික සීමාවන් ඉක්මවමින් LOLC ෆිනෑන්ස් ශ්‍රී ලංකාවේ ප්‍රමුඛ පෙළේ බැංකු හා සම සමව ජාතික ආර්ථිකයේ පුරෝගාමියෙකු ලෙස තරඟ කරන මූල්‍ය ආයතනයක් බවට පරිවර්තනය වීම පිළිබඳ කරුණු තහවුරු කරයි.
LOLC ෆිනෑන්ස් හි මෙම ප්‍රබල ක්‍රියාකාරීත්වය, මූල්‍ය ඇතුළත් කිරීම, ඩිජිටල් නවෝත්පාදනය සහ ක්ෂේත්‍රයේ නායකත්වය මත පදනම් වූ ශක්තිමත් දූරදර්ශී උපාය මාර්ගයක ප්‍රතිඵලයකි. රුපියල් බිලියන 305 ඉක්මවන ණය කළඹක් සහ රුපියල් බිලියන 225 ක තැන්පතු සංචිතයක් සමඟ LOLC ෆිනෑන්ස්, ජාතියේ ප්‍රමුඛ බැංකු හා සෘජුව සැසඳිය හැකි මූල්‍ය ශක්තියක් පෙන්නුම් කර ඇත. සමාගම විසින් මෙම කාලය තුළ වාර්තා කරන ලද තවත් කැපී පෙනෙන මූල්‍ය දර්ශකයක් වන්නේ 4.97% ක් වූ එහි ශුද්ධ අක්‍රීය ණය අනුපාතයයි (NPL). පෙර වසර තුළ වාර්තා වූ 10.48% ක අක්‍රීය ණය අනුපාතයට සාපේක්ෂව එහි කැපී පෙනෙන ප්‍රගතියකි.
“මෙම විශිෂ්ට ප්‍රතිඵල අපගේ මූල්‍ය ශක්තියේ පිළිබිඹුවක් පමණක් නොව, LOLC ෆිනෑන්ස්හි ආයතනික අචලත්වය, උපායමාර්ගික දැක්ම සහ ශ්‍රී ලාංකේය ජනතාවට සේවා සැලසීම සඳහාවූ තිරසාර කැපවීමේ කැඩපතක් බව” LOLC ෆිනෑන්ස් පීඑල්සී අධ්‍යක්ෂ / ප්‍රධාන විධායක නිලධාරී ක්‍රිෂාන් තිලකරත්න මහතා පැවසීය.
“මං සලකුණු සටහන් කළ මෙම ක්‍රියාකාරීත්වය මඟින් මූල්‍ය ඇතුළත් කිරීම, නවෝත්පාදනය සහ ක්‍රමානුකූල වර්ධනය සඳහාවූ අපගේ ශක්තිමත් කැපවීම පිළිබිඹු කරයි”. LOLC ෆිනෑන්ස් සභාපති කොන්රඩ් ඩයස් මහතා පැවසීය. ”LOLC ෆිනෑන්ස් හි අපි ක්ෂේත්‍රයේ ප්‍රවණතාවන් හුදෙක් අනුගමනය කරනවා පමණක් නොව, ඒවා සකසන්නෙමු.
ශ්‍රී ලංකාව තිරසාර ප්‍රකෘතිමත් වීමක් සහ සියල්ලන් ඇතුළත් වර්ධනයක් අපේක්ෂා කරද්දී LOLC ෆිනෑන්ස් හුදෙක් ඊට දායක වනවා පමණක් නොව, මූල්‍ය සම්මතයන් ප්‍රතිනිර්මාණය කරමින්, අවස්ථාවන් පුළුල් කරමින් සහ සියල්ලන් වෙනුවෙන් යහපත් ආර්ථික අනාගතයක් සකස් කිරීමේ දිරිය ශක්තිය ලෙස ඉදිරියට පැමිණ තිබේ.
