මහජන බැංකුවේ ‘පීපල්ස් රෙමිටන්ස් වාසි කෝටියයි 2025‘ දිනුම් ඇදීමේ 2025.04.16 සිට 2025.04.22 දක්වා සතිය තුළ බැංකොක් සවාරිය හිමි වාසනාවන්ත ජයග්‍රාහකයා බවට පත්වීමට දකුණු කොරියාවේ E9 Pay ආයතනය හරහා මහජන බැංකුවේ ගිණුමක් වෙත සේවක ප්‍රේෂණ එවූ ටී.එල්.සී.බුද්ධික මහතා සමත්විය.
එහි ටිකට්පත් ඔහු වෙත සංකේතාත්මකව පිරිනැමිම මහජන බැංකුවේ ප්‍රධාන විධායක නිලධාරි/ සාමාන්‍යාධිකාරි ක්ලියිව් ෆොන්සේකා මහතාගේ අතින් දකුණු කොරියාවේ පසුගියදා සිදුකෙරිණි.
මේ අවස්ථාවට මහජන බැංකුවේ නියෝජ්‍ය සාමාන්‍යාධිකාරිනි (පුද්ගල කේන්ද්‍රීය බැංකු කටයුතු හා එතෙර ගනුදෙනු සේවා) අරුණි ලියනගුණවර්ධන මහත්මිය, දකුණු කොරියාවේ මහජන බැංකුවේ නියෝජිතයින් ලෙස කටයුතු කරන ලහිරු අල්විස්, කේ.කේ.වී.එස්. ධනංජය, ලක්ෂාන් දසනායක, දකුණු කොරියාවේ E9 Pay ආයතනය නියෝජනය කරමින් එහි අලෙවි කළමනාකරණ සහ පාරිභෝගික සේවා අංශයේ අංශ ප්‍රධානි ඉන්හන් ලී, කලාප ව්‍යාපාර කළමණාකරු (දකුණු ආසියාව) තාරුක විජේසිංහ, අලෙවි කළමනාකාර කසුන් දිසානායක සහ අලෙවි ප්‍රවර්ධන නිලධාරි ඉඳුනිල් සමයමන්ත්‍රී යන මහත්වරුන් ද සහභාගි විය.
