(වමේ සිට): Mobitel (පුද්.) සමාගම වෙනුවෙන් එහි ජ්‍යෙෂ්ඨ විධායක නිලධාරිනී සංචාරක හා පරිපාලන ජෙසිකා වල්පොළ, නියෝජ්‍ය සාමාන්‍යාධිකාරී පහසුකම් කළමනාකරණ රමේෂ් සංජය, සාමාන්‍යාධිකාරී අලෙවි චාරක පෙරේරා, ප්‍රධාන ව්‍යාපාර නිලධාරී ආයතනික ව්‍යාපාර ලක්මාල් ජයසිංහ, ප්‍රධාන මෙහෙයුම් නිලධාරී Mobitel (පුද්.) සමාගම සුදර්ශන ගීගනගේ, ප්‍රවර්ධන වැඩසටහනේ වාසනාවන්ත ජයග්‍රාහකයා බවට පත් වූ යූ. ඩී. යූ. නවරත්න, සහකාර කළමනාකාරිනී ජාත්‍යන්තර ව්‍යාපාර රන්මිණි ද සිල්වා සහ විධායක නිලධාරිනී ජාත්‍යන්තර ව්‍යාපාර සදිනි ඩිල්ශානි යන මහත්ම මහත්මීන්
SLT-MOBITEL ක්‍රියාවට නැංවූ විශේෂ Roam and Win ප්‍රවර්ධන වැඩසටහනේ ප්‍රධාන ත්‍යාගයට හිමිකම් කීමට සමත් වූ වාසනාවන්ත ජයග්‍රාහකයා වෙත එම ත්‍යාගය පිරිනැමීම පසුගියදා SLT-MOBITEL ප්‍රධාන කාර්යාලයේදී සිදුකෙරිණි.
Roaming සේවා ප්‍රවර්ධන වැඩසටහනක් වූ මෙහි ප්‍රධාන ත්‍යාගය වූයේ සියලු වියදම් පියවූ තායිලන්ත සංචාරයකි. මෙම සුවිශේෂී ප්‍රවර්ධන වැඩසටහන, පාරිභෝගිකයන් තමන් කෙරෙහි රැඳවූ විශ්වාසය වෙනුවෙන් SLT-MOBITEL විසින් සිදුකරන ලද ඇගයීමක් සහ කෘතගුණ දැක්වීමක් ලෙසද හැඳින්විය හැකි වේ.
තම විදේශ සංචාරවලදී SLT-MOBITEL Roaming සැලසුම් සක්‍රීය කරන පෙර-ගෙවුම් සහ පසු-ගෙවුම් පාරිභෝගිකයන්ට ත්‍යාග පිරිනැමීමේ අරමුණින් SLT-MOBITEL විසින් මෙම වැඩසටහන ක්‍රියාවට නංවන ලදි.
දිනුම් ඇදීම සඳහා සුදුසුකම් ලැබූ පාරිභෝගිකයන් අතරින් කුසපත් ඇදීමෙන් ප්‍රධාන ත්‍යාගය හිමි ජයග්‍රාහකයා තෝරාගන්නා ලද අතර, ඔහුට හිමි වූ තායිලන්ත සංචාරයට සම්පූර්ණ ගුවන් ටිකට්පත් වියදම්, හෝටල් නවාතැන් වියදම්, වීසා පහසුකම්, මගපෙන්වනන් සහිත සංචාර සහ දෙදෙනෙකු සඳහා දෛනික වියදම් ඇතුළත් විය. එම නිසා මෙය ජයග්‍රාහකයන්ට සිතේ සැහැල්ලු‍වෙන් යුතුව කිසිදා අමතක නොවන සංචාරක අත්දැකීමක් විඳගැනීමට ලැබෙන මහඟු අවස්ථාවක් ලෙස හැඳින්විය හැකි වේ.
