පොසොන් සමය වෙනුවෙන් අනුරාධපුරය සහ මිහින්තලය කේන්ද්‍ර කර ගනිමින් විශේෂ ආරක්ෂක වැඩපිළිවෙළක් සහ රථවාහන සැලැස්මක් ක්‍රියාත්මක බව පොලිස් මාධ්‍ය කොට්ඨාශය නිවේදනයක් නිකුත් කරමින් දැනුම් දී තිබේ .
හෙට (08) දින සිට මෙම විශේෂ ආරක්ෂක වැඩපිළිවෙළ සහ රථවාහන සැලස්ම ක්‍රියාත්මක වීමට නියමිතය .
මේ සදහා පොලිස් නිළධාරීන් 3,500කට ආසන්න ප්‍රමාණයක් අනුයුක්ත කර ඇති අතර මෙම පොලිස් නිලධාරීන් ආරක්ෂාව සැපයීම, රථවාහන හැසිරවීම, වැව් ආශ්‍රිත ජීවිතාරක්ෂක කටයුතුවල මෙන්ම සිවිල් ඇඳුමින් ආරක්ෂාව සැපයීම වැනි බොහෝ ක්‍රියාත්මකවීම් සඳහා අනුයුක්ත කර ඇතැයි එම නිවේදනයේ සඳහන් වේ .
එමෙන්ම වන්දනාව සඳහා පැමිණෙන සැදැහැවතුන් තමන් සතු වටිනා දේවල් සම්බන්ධව සැලකිළිමත්වන ලෙසත්, පුද බිම් පිරිසිදුව තබා ගැනීමටත්, ප්ලාස්ටික් පොලිතින් රැගෙන ඒමෙන් වළකින ලෙසත් පොලිස් දෙපාර්තමේන්තුව ඉල්ලා සිටී . එමෙන්ම සැදැහවතුන් සඳහා ආරක්ෂාව වෙනුවෙන් යොදවා ඇති පොලිස් නිලධාරීන්ට අවශ්‍ය සහාය ලබා දී , අවශ්‍ය විටෙකදී ඔවුනගේද සහාය ලබා ගන්නා ලෙස ට ප්ලොඉස් මාධ්‍ය කොට්ඨාශය වැඩි දුරටත් එම නිවේදනයේ දක්වා තිබේ .
මේ අතර පොසොන් උත්සව සමයේදී අනුරාධපුර නගරය ආශ්‍රිතව විශේෂ රථවාහන සැලැස්මක් ක්‍රියාත්මක කිරීමටද පොලීසිය පියවර ගෙන තිබේ.
ඒ අනුව අනුරාධපුර නගරයේ පහත සඳහන් ස්ථානවල රථගාල් ස්ථාපිත කර ඇති අතර ඒවායෙහි සිය රථවාහන නවතා තැබීම් සිදුකරන ලෙස පොලීසිය රියදුරන්ගෙන් ඉල්ලීමක්ද කර තිබේ.
- රුවන්වැලි සෑය රථ ගාල
- රුවන්වැලි සෑය ප්‍රභූ රථ ගාල
- මිරිසවැටිය රථ ගාල
- වට වන්දනා රථ ගාල
- ඉසුරුමුණිය පාසල් රථ ගාල
- ථූපාරාම සුසාන භූමිය රථ ගාල
- සඳහිරු සෑය රථ ගාල
- පැරණි භික්ෂු විද්‍යාල රථ ගාල
- අභයගිරි රථ ගාල
- ලංකාරාම රථ ගාල
- සමාධි පිළිම රථ ගාල
- ජේථවනාරාම රථ ගාල
- නෙල්ලිකුලම පාසල් රථ ගාල
- පුරවිද්‍යා හන්දිය රථ ගාල
- පැරණි බන්ධනාගාර රථ ගාල
- කුරුණැගල හන්දිය රථ ගාල
- අක්කර 08 රථ ගාල
- පැරණි පොලිස් භූමි රථ ගාල
- පැරණි පොලිස් භූමි ප්‍රභූ රථ ගාල
- සඳකඩ පහන රථගාල
- කුට්ටම් පොකුන් රථගාල
මිහින්තලය පූජා භුමියේ පිහිටා ඇති රථ ගාල්
- අඹකොටුව රථ ගාල
- කඳු පාමුල රථ ගාල
- කළුදිය පොකුණ රථ ගාල
- ඉසුරු උයන රථ ගාල
- තිස්ස ක්‍රීඩාංගන රථ ගාල
- නව රථ ගාල
- ප්‍රාදේශීය ලේකම් කාර්යාල නිල නිවාස රථ ගාල
සම්පුර්ණ පොලිස් නිවේදනය පහතින්
