බංග්ලාදේශ ජාතික ක්‍රිකට් කණ්ඩායම ශ්‍රී ලංකාවේ ක්‍රිකට් තරගාවලි සංචාරයක් සඳහා පසුගිය (12දා) පස්වරුවේ දිවයිනට පැමිණියහ.
මෙම තරග සංචාරයේ දී ටෙස්ට් තරග 02 ක්, එක්දින තරග 03 ක් සහ විස්සයි-20 තරග 03ක් සඳහා සහභාගි වීමට නියමිතය.
පළමු ටෙස්ට් තරගය එළඹෙන ජුනි මස 17 දින සිට 21 දින දක්වා ගාල්ල ජාත්‍යන්තර ක්‍රිකට් පිටියේදීත්, දෙවන ටෙස්ට් තරගය ජුනි මස 25 දින සිට 29 දින දක්වා කොළඹ එස්.එස්.සී. ක්‍රිකට් ක්‍රීඩාංගණයේදීත් පැවැත්වීමට නියමිතය.
එක්දින තරග 03 එළඹෙන ජූලි මස 02, 05 සහ 08 යන දිනවල කොළඹ ආර්. ප්‍රේමදාස ජාත්‍යන්තර ක්‍රිකට් පිටියේ දී පැවැත්වීමට නියමිතය.
විස්සයි -20 තරග 03 එළඹෙන ජූලි මස 10, 13 සහ 16 යන දිනවල පල්ලෙකැළේ, දඹුල්ල සහ කොළඹ ජාත්‍යන්තර ක්‍රිකට් පිටිවලදී පැවැත්වේ.
බංග්ලාදේශ ක්‍රිකට් කණ්ඩායමේ ක්‍රීඩකයන් 05 දෙනකු සහ නිලධාරීන් 05 දෙනකුගෙන් සමන්විත පළමු කණ්ඩායම පසුගිය 12 දින පැමිණ අතර ඉතිරි පිරිස 13 දින පස්වරුවේ කටුනායක ගුවන්තොටුපළ වෙත පැමිණියහ.
කටුනායක – ටී. කේ. ජී. කපිල
සංස්කරණය – සුසිල් ජයකොඩි
