දකුණු ආසියානු කායවර්ධන සහ පිසික් ක්‍රීඩා තරගාවලිය සඳහා අශේන් මදුරසිංහ සහ එහි විනිසුරුවරුන් ලෙස ජගත් සමරසේකර සහ ජනක සමරසිංහ දිවයිනෙන් පිටත්ව යයි.
දකුණු ආසියානු කායවර්ධන සහ පිසික් ක්‍රීඩා තරගාවලිය ජුනි මස 10 සිට 15 වැනිදා දක්වා භූතානයේ තිම්පු නුවර දී පැවත්වේ.
මෙම තරගාවලිය සඳහා ශ්‍රී ලංකාව වෙනුවෙන් අශේන් මදුරසිංහ කිලෝග්‍රෑම් 85 ට වැඩි බර පන්තිය යටතේ තරග වැදීමට නියමිත වේ. මීට අමතරව ජාත්‍යන්තර විනිසුරුවන් දෙපළක් වන ශ්‍රී ලංකාව වෙනුවන් ජගත් සමරසේකර මහතා සහ ජනක සමරසිංහ මහතා දකුණු ආසියානු කායවර්ධන සහ පිසික් ක්‍රීඩා සංගමයේ වාර්ෂික සමුළුව, විධායක කමිටු රැස්වීම සඳහා සහභාගීවීමට සහ දකුණු ආසියානු කායවර්ධන සහ පිසික් තරගාවලිය විනිශ්චයට ද එක්වේ.
මෙම තරගාවලිය භූතාන කායවර්ධන සංගමය එරට ජාතික ඔලිම්පික් කමිටුවේ පූර්ණ අනුග්‍රහය යටතේ මෙම තරගාවලිය පවත්වනු ලබයි. මේ සඳහා ලෝක කායවර්ධන සහ පිසික් ක්‍රීඩා සංගමයේ (WBPF) ආසියානු කායවර්ධන සහ පිසික් ක්‍රීඩා සංගමයේ (ABBF) සහ දකුණු ආසියානු කායවර්ධන සහ පිසික් ක්‍රීඩා සංගමයේ (SABPF) පූර්ණ අවසරය ලබාදී ඇත.
සමීර මදුසංක හේවාගමගේ
