ජනප්‍රිය , TikTok තරුව Serigne Khabane Lame බොහෝ දෙනෙක් දන්නා පරිදි ” කාබී ලේම් ” අමෙරිකා එක්සත් ජනපදයෙන් පිටවී ගොස් ඇත . ඒ , එ රට ආගමන හා රේගු බලාත්මක කිරීමේ නිලධාරීන් විසින් රඳවා තබාගැනීමෙන් පසුවය .
සංක්‍රමණ නීති උල්ලංඝනය කළ බව පවසමින් ඉතාලියේ පුරවැසියෙකු වන 25 හැවිරිදි Serigne Khabane Lame ජූනි 6 වැනිදා අමෙරිකාවේ නෙවාඩා හි ලාස් වේගාස් හැරී රීඩ් අන්තර්ජාතික ගුවන් තොටුපොළේදී ආගමන හා රේගු බලාත්මක කිරීමේ නිලධාරීන් රඳවා තබා ගෙන තිබේ .
ලේම් ඔහුගේ වීසා බලපත්‍රයේ කොන්දේසි කඩකර ඇති බව ඔවුන් ප්‍රකාශ කර තිබිණි .
අනතුරුව ඔහුට ස්වේච්ඡාවෙන් අමෙරිකාවෙන් පිටව යෑමට අවස්ථාව හිමිවූ බව විදෙස් ජනමාධ්‍ය වාර්තා කර තිබේ .
TikTok හි මිලියන 160 කට අධික වැඩිම අනුගාමිකයන් ( Followers ) සිටින පුද්ගලයා ලෙස ලේම් වාර්තා තබා ඇත.
සෙනගලයේදී උපත ලැබූ ලේම් කුඩා කාලයේදීම ඉතාලියට සංක්‍රමණය වී ඇති අතර, 2022 අගෝස්තු මාසයේදී ඔහුට ඉතාලි පුරවැසිභාවය හිමිවිය.
කොවිඩ් වසංගතය හමුවේ රැකියාවෙන් ඉවත් කිරීමෙන් පසු ලේම් TikTok ඔස්සේ නිහඬ හාස්‍යජනක වීඩියෝ බෙදාගැනීමට පටන් ගෙන තිබිණි.
ඔහු මෙම සිද්ධිය සම්බන්ධයෙන් අනුගමනය කරන්නේ නිහඬ පිළිවෙතකි .
