ශ්‍රී ලංකා වෙඩි තැබීමේ ක්‍රීඩා සංගමය තවත් පියවරක් ඉදිරියට තබමින්, 2025 සිට 2027 දක්වා ශ්‍රී ලංකා ජාතික රයිෆල් සංගමයේ (NRASL) සභාපතිත්වය පසුගියදා නාවික හමුදාවෙන් ගුවන් හමුදාව වෙත නිළ වශයෙන් භාර දෙන ලදී.
ශ්‍රී ලංකා නාවික හමුදා කොළඹ කදවුරු පරිශ්‍රයේදී පැවති ජාතික රයිෆල් සංගමයේ මහ සභා රැස්වීමේදී හිටපු සභාපතිතුමන් වන නාවික හමුදාවේ රියර් අද්මිරාල් මංජුල දිසානායක මහතා විසින් නව සභාපතිතුමන් ලෙස පත් වූ ශ්‍රී ලංකා ගුවන් හමුදාවේ මෙහෙයුම් භූමි අධ්‍යක්ෂ ජෙනරාල් එයර් වයිස් මාර්ෂල් රුවන් චන්දිම මහතා වෙත නිල වශයෙන් භාර දෙන ලදී. තවද මෙම අවස්ථාවේ දී ජාතික රයිෆල් සංගමයේ ප්‍රධාන තනතුරු නාවික හමුදා නිළධාරීන් විසින් ගුවන් හමුදා නිළධාරීන් හටද නිළ වශයෙන් භාර දීම ද සිදුවිය.
මෙහිදී (Practical Shooting, Metallic Silhouette Shooting, Sporting Clay Shooting) වෙඩි තැබීම ඇතුළු ඔලිම්පික් නොවන වෙඩි තැබීමේ ඉසව් කිහිපයක් සඳහා ජාතික පාලක මණ්ඩලය ලෙස ජාතික රයිෆල් සංගමය ක්‍රියා කරන අතර මෙම වෙඩි තැබීමේ ඉසව් ජාතික රයිෆල් සංගමය සහ ආරක්ෂක අමාත්‍යාංශයේ පුළුල් අධීක්ෂණය යටතේ ක්‍රියාත්මක වේ.
එම අවස්ථාව අමතමින් නව සභාපතිතුමන් වන ශ්‍රී ලංකා ගුවන් හමුදාවේ මෙහෙයුම් භූමි අධ්‍යක්ෂ ජෙනරාල් එයාර් වයිස් මාර්ෂල් රුවන් චන්දිම මහතා ශ්‍රී ලංකා ගුවන් හමුදාව කෙරෙහි තැබූ විශ්වාසය හා වගකීම පිළිබඳව අවංක කෘතඥතාව පළ කළ අතර සංගමයට පවරා ඇති වගකීම් ආරක්ෂා කිරීමට ශ්‍රී ලංකා ගුවන් හමුදාව නොසැලී කැපවීමෙන් කටයුතු කරන බවට එම අවස්ථාවේ ප්‍රකාශ කරන ලදී. මෙම අවස්ථාව සඳහා ත්‍රිවිධ හමුදාවේ ජ්‍යෙෂ්ඨ නිලධාරීන්, සිවිල් ක්‍රීඩා වෙඩි තැබීමේ සංගම් වල නියෝජිතයන්, ප්‍රවීණ වෙඩික්කරුවන් ඇතුළු ක්‍රීඩක ක්‍රීඩිකාවන් රැසක් සහභාගි විය. ඒ අනුව පත්වූ ජාතික රයිෆල් සංගමයේ නව නිළධාරීන් ලෙස
සභාපති – මෙහෙයුම් භූමි අධ්‍යක්ෂ ජෙනරාල් එයර් වයිස් මාර්ෂල් රුවන් චන්දිම, ලේකම් – ගෘප් කැප්ටන් චමින්ද හේරත්, සහකාර ලේකම් – ස්කොඩ්‍රන් ලීඩර් මනෝජ් විජේවික්‍රම,
භාණ්ඩාගාරික – වින්ග් කමාන්ඩර් මිලාන් සිල්වා, උප භාණ්ඩාගාරික – ස්කොඩ්‍රන් ලීඩර් ප්‍රසන්න කුමාරගේ, නීති උපදේශක – වින්ග් කමාන්ඩර් ප්‍රබුද්ධ දහනායක, සැපයුම් සම්බන්ධීකාරක – ස්කොඩ්‍රන් ලීඩර් ශමිල ගුණසේකර
