ශ්‍රී ලංකාවට රූපවාහිනිය හඳුන්වා දුන් පුරෝගාමියා වූ ස්වාධීන රූපවාහිනී මාධ්‍ය ජාලය අද (5 දා) අභිමානවත් 46 වන සංවත්සරය සමරයි.
ප්‍රේක්ෂක ආකර්ෂණය දිනාගත් ස්වාධීන රූපවාහිනියේ නව මාවතක් තරුණ ප්‍රජාවට විවෘත කරමින් අධ්‍යාපන ක්ෂේත්‍රයේ හැරවුමක් සටහන් කරමින් එම්.එම්සී අයිටීඑන් කැම්පස් මෙම සංවත්සරයේ දී හඳුන්වාදීම තවත් විශේෂත්වයක් වෙයි. කොට්ටාව මහල් වරාව පාරේ ගොඩනැගිල්ලක මෙරට ජනතාවට පළමු රූපවාහිනී අත්දැකීම ලබාදීමට පුරෝගාමී වූයේ ශාන් වික්‍රමසිංහ/ අනිල් විජේවර්ධන සහ බොබ් කිස්ට්්‍ර යන තිදෙනාය. එය 1979 ජූනි 05 වැනිදා රජයට පවරාගැනීමත් සමග ස්වාධීන රූපවාහිනිය වික්‍රමසිංහපුර නම් කොළඹ දිස්ත්‍රික්කයේ උසම ස්ථානයේ ස්ථාපනය කෙරිණි. ඉතා සීමිත සේවක සංඛ්‍යාවකින් වගේම සීමිත වපසරියක් දක්වා විකාශන කටයුතු ආරම්භ වූ මෙම නාලිකාව නොබෝ කලකින්ම දිවයිනේ වැඩිම ආවරණයක් සහිත රූපවාහිනී නාලිකාව බවට පත් විය.
ප්‍රභාත් විතාන
