ඇමරිකා එක්සත් ජනපදයේ චිකාගෝ නගරයේ රිවර් නෝර්ත් ජනාවාසයේ පෙරේදා (03) සිදු වූ වෙඩි තැබීමකින් පුද්ගලයන් 04 දෙනකු මියගොස් ඇති අතර තවත් 14 දෙනෙකු තුවාල ලබා රෝහල්ගත කර තිබේ. තානායමකට පිටතින් සිටි පිරිසක් වෙත වාහනයකින් පැමිණි අයකු මෙම වෙඩි තැබීම සිදු කර පලා ගොස් ඇති බව වාර්තා වී තිබේ. පිරිසක් රැස්ව සිටි ස්ථානයක් වෙත වාහනයකින් පැමිණි අයකු වාහනය තුළ සිට වෙඩි තැබීම සිදු කර වහා එම ස්ථානයෙන් පලා ගොස් ඇති බව සිද්ධිය ඇසින් දුටුවන් විදෙස් මාධ්‍යට පවසා තිබේ.
මෙම සිදුවීමෙන් තුවාල ලැබූවන්ගෙන් තිදෙනකු ආසාධ්‍ය තත්ත්වයේ පසුවන බව විදෙස් මාධ්‍ය පවසයි. ඊයේ (04) සවස වනවිට ද මෙම වෙඩි තැබීම සම්බන්ධයෙන් කිසිවකු අත්අඩංගුවට ගෙන නොතිබූ අතර සිද්ධිය සම්බන්ධයෙන් පරීක්ෂණ පැවැත්වෙන බව චිකාගෝ නගරයේ පොලිසිය පවසයි.
