ඊශ්‍රායල ගුවන් හමුදාව විසින් පෙරේදා (03) ගාසා තීරය වෙත එල්ල කරන ලද බෝම්බ ප්‍රහාරයන් හේතුවෙන් ගාසා වැසියන් 60දෙනකු පමණ මියගොස් ඇති බවත් එම ප්‍රහාරයන් පාසල්වල රැකවරණය ලබමින් සිටි අවතැන් වූ පවුල් හා ආධාර ලබාගැනීම සඳහා පෝලිමේ සිටි පිරිස් වෙත එල්ල වී තිබුණු බව විදෙස් මාධ්‍ය පවසයි.
මෙම ප්‍රහාරයන් එල්ල වී ඇත්තේ ඇමරිකානු ජනාධිපති ඩොනල්ඩ් ට්‍රම්ප් විසින් ඊශ්‍රායලයට මෙන්ම හමාස් සංවිධානයට ගාසා තීරයේ පවතින සටන් නතර කිරීම සඳහා සකස් කර ඇති දින 60ක සටන් විරාමයට එකඟ වන ලෙසට ඉල්ලීම් කරමින් තිබෙන වාතාවරණයක් තුළදී ය.
