මුලදි “ට්විටර්” යනුවෙන් හැඳින්වූ “එක්ස්” සමාජ මාධ්‍ය ජාලය හරහා හඳුනාගත් සියදිවි නසාගැනීමට තැත් කළ පුද්ගලයන් 9 දෙනෙකු ඝාතනය කළ “ට්විටර් කිලර්” යනුවෙන් හැඳින්වෙන පුද්ගලයකු සඳහා ජපන් බන්ධනාගාර නිලධාරීන් විසින් ඊයේ (27දා) මරණ දඬුවම ක්‍රියාත්මක කර තිබේ.
මෙය ජපානය විසින් 2022 වසරට පසු මරණ දඬුවම ක්‍රියාත්මක කළ පළමු අවස්ථාව සේ සැලකෙන අතර මේ අනුව සියදිවි නසාගැනීමට තැත් කළ වයස අවුරුදු 15ත් 26ත් අතර වයස්වල පසු වූ තරුණ තරුණියන් නව දෙනකු පොළඹවා ගනිමින් ඔවුනගේ ගෙල සිරකර මරා දමා අවයව කපා දැමීමේ වරදට 30 හැවිරිදි ජපන් ජාතිකයෙකු වන ටකහිරෝ ෂිරයිසි හට මරණ දඬුවම ක්‍රියාත්මක කිරීමට පියවර ගෙන තිබේ. මරණ දඬුවමට ලක් වූ ඝාතකයා විසින් මරා දැමූ බහුතරය කාන්තාවන් බව හෙළි වී තිබේ.
ඝාතනයා විසින් සිදුකළ ඝාතන 2017 වසරේ ඔක්තෝබර් මාසයේදී හෙළිදරව් වීමත් සමඟම ඔහුව පොලිස් අත්අඩංගුවට පත්ව ඇති අතර 2020 වසරේදී ඔහුට ජපන් අධිකරණය විසින් මරණ දඬුවම නියම කරනු ලැබීය.
