ජාතික තොරතුරු හා සන්නිවේදන තාක්ෂණ විසඳුම් සම්පාදක වන SLT-MOBITEL, ශ්‍රී ලංකාවේ විශාලතම සිංහල චිත්‍රපට හා විනෝදාස්වාද OTT e-වේදිකාව වන ‘රූපහල’ සමග අත්වැල් බැඳගැනීමට පසුගියදා කටයුතු කළේය.
ඕස්ට්‍රේලියාවේ Evoke Digital Group සතු ගෙවීම් කිරීම මත මෙහෙයවන Over-The-Top (OTT) යෙදවුමක් වන රූපහල ලංකාවේ ජනප්‍රියතම සිංහල චිත්‍රපට සහ වැඩසටහන් වර්ග විශාල ප්‍රමාණයකින් සමන්විත වේ. මෙම හවුල්කාරීත්වය ප්‍රේක්ෂකයන් දේශීය විනෝදාස්වාද වැඩසටහන් නරඹන ආකාරය පූර්ණ වෙනසකට ලක් කරනු ඇති අතර, එමගින් ඔවුන්ට චිත්‍රපට, ටෙලිනාට්‍ය සහ විශේෂ පොඩ්කාස්ට් ඇතුළු වැඩසටහන් රාශියක් එකම සේවාවක් ඔස්සේ නැරඹීමට අවස්ථාව හිමි වනු ඇත. එමෙන්ම මෙය විශාල ප්‍රේක්ෂක ප්‍රජාවක් අතරට තම නිර්මාණ රැගෙන යාම සඳහා ශ්‍රී ලාංකික චිත්‍රපටකරුවන්ට, අධ්‍යක්ෂවරුන්ට සහ නිෂ්පාදකවරුන්ට ලැබෙන මහඟු අවස්ථාවකි.
ඡායාරූපය: SLT-MOBITEL වෙනුවෙන් එහි ප්‍රධාන මෙහෙයුම් නිලධාරී සුදර්ශන ගීගනගේ, ප්‍රධාන අලෙවි නිලධාරී (නිෂ්පාදන අලෙවි) රෝහණ එල්ලාවල, ජ්‍යෙෂ්ඨ සාමාන්‍යාධිකාරී (නිෂ්පාදන අලෙවි) ඉසුරු දිසානායක, ජ්‍යෙෂ්ඨ කළමනාකරු (අගය එකතු කළ සේවා) මධුර හේවගේ සහ කළමනාකරු (අගය එකතු කළ සේවා) ඉසුරු සේනාධීර යන මහත්වරුන් සහ Evoke පුද්. සමාගම වෙනුවෙන් (මැද සිට වමට) ප්‍රධාන විධායක නිලධාරී ළහිරු වික්‍රමසිංහ, නිෂ්පාදන කළමනාකාරිනී (රූපහල) ෂෙරිල් සිල්වා, සන්නාම ප්‍රධානී/ජ්‍යෙෂ්ඨ උපදේශිකා (අන්තර්ගතයන් ලබාගැනීම) හංසලී සමරවික්‍රම, සහකාර සාමාන්‍යාධිකාරී (තොරතුරු සහ කළමනාකරණය වන සේවා) අශාන් එරංග සමග කාර්යසාධන අලෙවි කළමනාකරු අර්ශාඩ් නිසාර් යන මහත්ම මහත්මීන්
