ශ්‍රී ලංකා – බංග්ලාදේශ එක්දින ක්‍රිකට් තරගාවලිය
2024 වසරේ මාර්තු 18 වැනිදා චිතගොං හිදී පැවති බංග්ලාදේශ ශ්‍රී ලංකා එක්දින තරගයෙන් වසරකට වඩා වැඩි කාලයකින් පසු අද කොළඹ ආර්. ප්‍රේමදාස ක්‍රීඩාංගණයේදී යළි ශ්‍රී ලංකා බංග්ලාදේශ එක්දින තරගාවලියේ පළමු තරගය ඇරඹීමට නියමිතයි.
දිවා රාත්‍රි තරගයක් ලෙස පැවැත්වෙන අද තරගය පස්වරු 2.30ට ඇරඹීමට නියමිතය.
බංග්ලාදේශ ශ්‍රී ලංකා එක්දින ඉතිහාසයේ තරග 57කට මුහුණ දී එයින් තරග 43ක ජය ශ්‍රී ලංකාව සතුවී තිබේ
තරග 12ක් බංග්ලාදේශය ජය ගෙන ඇති අතර තරග 2ක් තීරණයක් නොමැතිව විසඳී තිබේ.
ශ්‍රී ලංකා එක්දින කණ්ඩායමේ නායක චරිත් අසලංක අද තරගය ගැන ඊයේ සවස පැවති මාධ්‍ය හමුවේදී කියා සිටියේ,
ඕනම කණ්ඩායමක් සමඟ ක්‍රීඩා කරන විට පීඩනයක් නැතුවාම නොවේ ඒත් අපට විශේෂ පීඩනයක් නැහැ
තරග ජයග්‍රහණය කිරීම්වලින් තමයි අපිට ශ්‍රේණිගත කිරීම්වල ඉහළට එන්න තියෙන්නේ මෙම තරග ජයගෙන එක්දින ශ්‍රේණිගත කිරීම්වල ඉදරියට පැමිණීම අපේක්ෂා කරන බවයි.
තව දුරටත් අදහස් දැක්වූ චරිත් අසලංක, අද දිනයේ තරගයට ආබාධයට ලක්වූ මිලාන් රත්නායක යහපත් සෞඛ්‍ය තත්ත්වයේ පසුවන බවත් බොහෝ දුරට එක්දින තරගය ක්‍රීඩා කිරීමට හැකියාව පවතින බවය.
සංස්කරණය – සුසිල් ජයකොඩි
