මධ්‍යම පළාත් පාසල් ක්‍රීඩා උළෙල
මධ්‍යම පළාත් පාසල් ක්‍රීඩා උළෙලේ බොක්සිං ශූරතාව දිනා ගනිමින් කැපී පෙනෙන්නට කඩුගන්නාව ජාතික පාසල නියෝජනය කළ ක්‍රීඩකයෝ සමත් වූහ.
ජයග්‍රාහී කඩුගන්නාව ජාතික පාසල සමස්ත ශූරතාව දිනා ගැනීම උදෙසා පැමිණි ගමනේ දී රන් 05ක් සහ ලෝකඩ 05ක් ලෙස පදක්කම් 10කට හිමිකම් කීය. කිලෝග්‍රෑම් 52 ට අඩු බර පන්තිය නියෝජනය කළ සහන් යටවර මෙවර තරගාවලියේ දක්ෂතම ක්‍රීඩකයා ලෙස සම්මාන ලැබීය.
සහන් යටවර මෙන්ම අරවින්ද හංසජිත්, විමුක්ති ලක්ෂාන්, කාවින්ද වීරසිංහ සහ මලීෂ පින්සර රන් පදක්කම්ලාභී කඩුගන්නාව ජාතික පාසල නියෝජනය කළ ක්‍රීඩකයන් වෙති.
මධ්‍යම පළාත් පාසල් ක්‍රීඩා ඉතිහාසයේ බොක්සිං සමස්ත ශූරතාව කඩුගන්නාව ජාතික පාසල දිනා ගත් පළමු අවස්ථාව මෙය වීම ඉහළ අගයක් ගත්තේය.
මධ්‍යම පළාත් අධ්‍යාපන දෙපාර්තමේන්තුව විසින් සංවිධානය කරන ලද මෙවර තරගාවලිය මහනුවර ශාන්ත සිල්වෙස්තර විද්‍යාලයීය පරිශ්‍රයේ දී ක්‍රියාත්මක කෙරුණි.
විදුහල්පති ආර්. රාජකරුණා මහතාගේ පෙන්වීම අනුව ක්‍රියාත්මක කෙරෙන කඩුගන්නාව ජාතික පාසල් බොක්සිං සංචිතයේ පුහුණුකරු ලෙස මාවන් සෙනෙවිරත්න මහතා කටයුතු කරයි.
අනුරුද්ධ හේරත් බණ්ඩාර
