ශ්‍රී ලංකා රග්බි පාපන්දු අන්තර් පාසල් ලීග් ශූරතාවලිය
ශ්‍රී ලංකා පාසල් රග්බි පාපන්දු සංගමයේ මෙහෙයවීමෙන් දැන් ක්‍රියාත්මක “ඩයලොග් අභියෝග කුසලාන” අන්තර් පාසල් ලීග් ශූරතා වයස අවුරුදු 19 න් පහළ ප්‍රමුඛ පෙළ බාලක රග්බි පාපන්දු තරගාවලියේ දෙවන සතියේ තරග ආශ්‍රිතව ජයග්‍රහණ වාර්තා කර ගැනීමට කොළඹ ආනන්ද විදුහල, ගල්කිස්ස ශාන්ත තෝමස් විදුහල, කොළඹ ශාන්ත ජෝශප් විදුහල, කොළඹ රාජකීය විදුහල, මහනුවර ත්‍රිත්ව විදුහල, කොළඹ මහානාම විදුහල, බම්බලපිටිය ශාන්ත පීතර විදුහල, කොළඹ ඉසිපතන විදුහල සහ කොළඹ වෙස්ලි විදුහල සමත්විය.
මෙම තරග ඉකුත් සෙනසුරාදා (14දා) සහ ඉරිදා (15දා) කොළඹ දී සහ මහනුවර දී පැවැත්විණි.
ආරම්භක සතියේ ජයග්‍රහණ වාර්තා කරගත් ඉසිපතන, ශාන්ත පීතර, රාජකීය, ශාන්ත තෝමස්, ත්‍රිත්ව සහ වෙස්ලි විදුහල් තම අපරාජිත බව ආරක්ෂා කර ගැනීමට සමත් වීම ඉහළ
අගයක් ගත්තේය. ශාන්ත ජෝශප්, මහානාම සහ ආනන්ද විදුහල් තම පළමු ජය මෙවර සටහන් කර ගැනීමට සමත්වූහ.
ඉකුත් සතියේ තරග ආශ්‍රිතව කැපී පෙනෙන දක්ෂතා ප්‍රදර්ශනය කිරීමට අගනුවර පාසල් සමත් වන අතර වාරයේ දී මහනුවර ගෞරවය ආරක්ෂා කර ගැනීමට ත්‍රිත්ව විදුහලට හැකියාව ලැබිණි.
මෙම සති අන්තයේ විශාලතම ජයග්‍රහණය සටහන් කර ගැනීමට ත්‍රිත්ව විදුහල සමත් විය. ඒ, මහනුවර විද්‍යාර්ථ විදුහලට එරෙහිව ලකුණු 60 ක පරතරයක් ඇතිවයි. මහනුවර ශ්‍රී සුමංගල විදුහලට එරෙහිව ලකුණු 50 ක පරතරයක් ඇතිව ජය ගැනීමට රාජකීය විදුහලට හැකියාව ලැබීම ද කැපී පෙණුනි.
මේ සති අන්තයේ තරග ප්‍රතිඵල
★ ආනන්ද විදුහල ලකුණු 32 ගල්කිස්ස විද්‍යා විදුහල ලකුණු 26
★ ශාන්ත තෝමස් විදුහල ලකුණු 43 කොළඹ සහිරා විදුහල ලකුණු 19
★ ශාන්ත ජෝශප් විදුහල ලකුණු 25 කොළඹ තර්ස්ටන් විදුහල ලකුණු 05
★ ත්‍රිත්ව විදුහල ලකුණු 74 මහනුවර විද්‍යාර්ථ විදුහල ලකුණු 14
★ ශාන්ත පීතර විදුහල ලකුණු 24 මහනුවර ශාන්ත අන්තෝනි විදුහල ලකුණු 08
★ රාජකීය විදුහල ලකුණු 53 මහනුවර ශ්‍රී මංගල විදුහල ලකුණු 03
★ කොළඹ මහනාම විදුහල ලකුණු 15 මහනුවර ධර්මරාජ විදුහල ලකුණු 06
★ ඉසිපතන විදුහල ලකුණු 32 මහනුවර
කිංග්ස්වුඩ් විදුහල ලකුණු 22
★ වෙස්ලි විදුහල ලකුණු 29 කොළඹ ඩී.එස්. සේනානායක විදුහල ලකුණු 10
අනුරුද්ධ හේරත් බණ්ඩාර
