ධීවරයන් සඳහා සයුර නමින් හදිසි අනතුරු රක්ෂණ යෝජනා ක්‍රමයක් කෘෂිකාර්මික හා ගොවිජන රක්ෂණ මණ්ඩලය විසින් හඳුන්වා දී ඇත.
ලබන ජූලි මස 1 වැනිදා කෘෂිකර්ම ඇමැති නාමල් කරුණාරත්න හා ධීවර හා සාගර සම්පත් නියෝජ්‍ය ඇමැති රත්න ගමගේ යන මහත්වරුන්ගේ ප්‍රධානත්වයෙන් එය හඳුන්වාදීමට නියමිතය.ධීවර කර්මාන්තයේ යෙදීම නිසා සිදුවන ජීවිත අවදානම පිළිබඳව විශේෂයෙන් සලකා බලා මෙම රක්ෂණ යෝජනා ක්‍රමය, වාර්ෂිකව අලුත් කරගත හැකි පරිදි හා ධීවර මහතුන්ගේ මූල්‍ය තත්ත්වයට අනුව ආවරණ මට්ටම් 03ක් යටතේ ඉතා සුළු වාරික මුදලක් යටතේ දායක විය හැකි පරිදි සකස්කර ඇත. එමගින් මුහුදේදී මෙන්ම ගොඩබිම ධීවර කර්මාන්තයේ යෙදීමේදී හදිසි අනතුරු තත්ත්වයන් මත සිදුවන ජීවිත අහිමිවීම්, පූර්ණ හා තාවකාලික අකර්මණ්‍යතාවයන් සඳහා මෙන්ම හදිසි අනතුරු හේතුවෙන් වන රෝහල්ගත වීම් සහ අවමංගල්‍යය කටයුතු ආවරණය කරමින් ප්‍රතිලාභ ලබාදෙනු ලැබේ.
ප්‍රදිප් ප්‍රසන්න සමරකෝන්
