සයිබර් ප්‍රහාරයක් එල්ලවීම හේතුවෙන් අඩපණ වූ සිය කෙටි පණිවුඩ සේවාව යථා තත්ත්වයට පත් කළ බව ‘ජාතික ජල සම්පාදන හා ජලාපවහන මණ්ඩලය’ සඳහන් කරයි.
පසුගිය ඉරිදා සිය මණ්ඩලයේ වෙබ් අඩවියට අනවසරයෙන් ඇතුළුවීමට උත්සාහ දැරූ පුද්ගලයකු විසින්
පාරිභෝගිකයන් දස දහසකට පමණ ජංගම දුරකථන වෙත කෙටි පණිවුඩ යොමුකරමින් ඔවුන්ගේ දත්ත ලබාගැනීමට යම්කිසි මුදලක් බැරකරන ලෙස දැනුම් දී ඇතැයි ද එම මණ්ඩලය පවසයි.
එම සිද්ධිය සම්බන්ධයෙන් ක්ෂණිකව ක්‍රියාත්මක වූ ජාතික ජල සම්පාදන හා ජලාපවහන මණ්ඩලය අදාළ කෙටි පණිවුඩ සේවාව යථා තත්ත්වයට පත්කර එම සියලු පාරිභෝගිකයන්ට ව්‍යාජ කෙටි පණිවුඩය පිළිබඳව දැනුවත් කිරීමට පියවරගෙන ඇත.
මේ වනවිට සිය දත්ත පද්ධතියේ ආරක්ෂාව සඳහා විශේෂ වැඩපිළිවෙළක් ක්‍රියාත්මක කර ඇති බව ද ජලාපවහන මණ්ඩලයේ අතිරේක සාමාන්‍යාධිකාරි ප්‍රදීප් හේරත් මහතා සඳහන් කරයි.
සුජීව තත්සර සහ ප්‍රදීප් ප්‍රසන්න සමරකෝන්
