ඇමරිකාව තම වැරදි වෙනත් පාර්ශ්වයන්ට භාර කරමින් සිදු කරන අසාධාරණ චෝදනා චීනය තරයේ ප්‍රතික්ෂේප කරන බව චීන වාණිජ අමාත්‍යාංශය නිවේදනය කරයි. චීන වාණිජ අමාත්‍යාංශය පසුගිය දා පැවැති මාධ්‍ය හමුවකදී මේ බව ප්‍රකාශ කළේ ඇමරිකාවේ අදාළ ප්‍රකාශ සම්බන්ධයෙන් මතු කළ ප්‍රශ්නයකට පිළිතුරු දෙමිනි.
ඇමරිකාව ඒකපාර්ශ්විකව ආර්ථික හා වෙළඳ ගැටුම් නැවත නැවත ඇති කරමින් ද්විපාර්ශ්වික ආර්ථික හා වෙළඳ සබඳතාව පිළිබඳ අවිනිශ්චිතභාවය සහ අස්ථාවරත්වය උග්‍ර කරන බව ද චීනය පවසයි. තමන් වැරදි බව නොතකා හේතු රහිතව පොදු එකඟතාවන් උල්ලංඝනය කරන බවට චීනයට චෝදනා කිරීම ඉතා අසාධාරණ බවත් එම චෝදනා තරයේ ප්‍රතික්ෂේප කරන බවත් චීනය අවධාරණය කරයි. අදාළ වැරදි වහාම නිවැරදි කර ගනිමින්, ජිනීවා හි ආර්ථික හා වෙළෙඳ සාකච්ඡාවල එළඹි එකඟතාව අනුව කටයුතු කරන ලෙසත් ඇමරිකාවෙන් ඉල්ලා සිටින බව චීන වාණිජ අමාත්‍යාංශය සඳහන් කරයි.
