දේශීය සිනමාවේ මහා කලා මංගල්‍යය සරසවිය සම්මාන උළෙල 2025 ජුනි මස 24 වැනිදා සවස 7.00 සිට කොළඹ බණ්ඩාරනායක ජාත්‍යන්තර සම්මන්ත්‍රණ ශාලාවේදී අතිඋත්කර්ෂවත් අන්දමින් පැවැත්වීමට සියලු කටයුතු සම්පාදනය වෙමින් පවතී.
මෙම සරසවි සම්මාන උළෙල සඳහා සලකා බලනුයේ 2024 වර්ෂයේ ජනවාරි 01 වැනිදා සිට දෙසැම්බර් 31 වැනිදා දක්වා මෙරට තිරගත වුණු ශ්‍රී ලාංකේය චිත්‍රපටයි. මෙවර සම්මාන උළෙල සඳහා ශ්‍රී ලාංකේය දමිළ භාෂිත චිත්‍රපට ද සලකා බැලෙනු ඇත.
ඒ අනුව 2024 වර්ෂයේ සිනමා පට 38 ක් මෙරට තිරගත වී ඇති අතර ඉන් චිත්‍රපට ද්විත්වයක් දෙමළ භාෂිත චිත්‍රපට වේ. මෙම චිත්‍රපට 38 අතරින් චිත්‍රපට 37ක් තරගකාරී අංශයේ සම්මාන 32ක් සඳහා තරග වදිනු ඇත. එම සම්මාන පිරිනමනුයේ ස්වාධීන විනිශ්චය මණ්ඩලයක් මගිනි. මෙවර සරසවිය ජනප්‍රිය නළුවා, නිළිය සහ ජනප්‍රිය චිත්‍රපට ගීතය තෝරාගනු ලබනුයේ පාඨක හා ග්‍රාහක ඡන්දයෙනි. ජනප්‍රිය චිත්‍රපටය උදෙසා වන සම්මාන තෝරා ගැනෙනුයේ අදාළ වර්ෂයේ ආදායම් වර්තා අනුවය.
