ශ්‍රී ලාංකේය සම්මාන ඉතිහාසය රන් අකුරෙන් ලියැවෙන ශ්‍රී ලාංකේය නාමය ජාත්‍යන්තරයට රැගෙන යන විවිධ ක්‍ෂේත්‍ර නියෝජනය කරන අතිවිශිෂ්ට මිනිසුන් සමග අති විශිෂ්ට නිර්මාණවේදීන් අගයන CALIN POPULAR AWARD 2025 සම්මාන උළෙල අතිඋත්කර්ෂවත් අයුරින් සැප්තැම්බර් මස 10 වැනිදා සවස 5.30 ට ශ්‍රී ජයවර්ධනපුර කෝට්ටේ මොනාච් ඉම්පීරියල් හෝටල් පරිශ්‍රයේදී සම්භාවනීය අමුත්තන් රැසකගේ සහභාගීත්වයෙන් පැවැත්වීමට නියමිතය.
මෙහි ජනප්‍රිය සම්මාන අංශ සඳහන් නිර්දේශිත නාම තෝරාපත් කරගෙන ඇත්තේ 2024 ජූලි මස 01 වැනිදා සිට 2025 ජූනි මස 30 වැනිදා දක්වා කාලසීමාවට අදාළවය. විධායක කමිටුව සහ සමීක්ෂණ කමිටුව සමගින් සියදෙනකුගෙන් යුත් කණ්ඩායමක් විසින් නිර්දේශිත නාම තෝරාපත්කරගනු ඇත. මෙහිදී සමාජ මාධ්‍ය ජනප්‍රියතාවයද සැලකිල්ලට ගෙන ඇත.
වසර කිහිපයක් කලා ක්‍ෂේත්‍රය සමග කටයුතු කළ Youth Star Entertainment ගීතාංජන ද කොස්තා මහතාගේ සංකල්පයකට අනුව ශ්‍රී ලාංකේය කලා ක්‍ෂේත්‍රය මෙන්ම ජනමාධ්‍ය හා සමාජ මාධ්‍ය ක්‍ෂේත්‍ර ආදී බොහෝ අංශ නියෝජනය වන සේ ටෙලිනාට්‍ය, චිත්‍රපට, රූපවාහිනී නාලිකා, ගුවන් විදුලි නාලිකා, සංගීත අංශ, ව්‍යාපාර අංශ හා ජනප්‍රිය වූ නිර්මාණ හා ඒවායේ නිර්මාණකරුවන් මෙම සම්මාන ප්‍රධාන රාත්‍රියේ ඇගයීමට ලක්වනු ඇත.
සියලුම නිර්දේශිත නාම Popular Awards Facebook හා popularawards.lk වෙබ් අඩවිය ඔස්සේ පළ කරන අතර ඒ සඳහා SMS මනාප හා online voting පළ කිරීම ආරම්භ කිරීම පසුගිය පළමුවැනිදා සිට ආරම්භ කර ඇති අතර එය 2025 සැප්තැම්බර් මස 07 වැනිදා රාත්‍රී 11.59 ට අවසන් වේ. ඉන් අනතුරුව එවනු ලබන මනාප අවලංගු වේ.
මෙහිදී තාරුණ්‍යයේ ජනප්‍රියම ටෙලිනාට්‍ය නාට්‍ය, තාරුණ්‍යයේ ජනප්‍රියම නැගී එන ටෙලිනාට්‍ය නළුවා, නිළිය, තාරුණයේ ජනප්‍රිය ටෙලිනාට්‍ය නළුවා, නිළිය, තාරුණයේ ජනප්‍රියම ටෙලිනාට්‍ය රංගන යුවළ, තාරුණ්‍යයේ ජනප්‍රියම චිත්‍රපටය, තාරුණයේ ජනප්‍රියම නැගී එන චිත්‍රපට නළුවා, නිළිය, තාරුණයේ ජනප්‍රිය නළුවා, නිළිය ආදී ඛාණ්ඩ රැසක් යටතේ සම්මාන රැසක් පිරිනැමීම සිදුකෙරේ.
දිනේෂ් විතාන
