මේ වසරේ (2025) පළමු මාස 06 යේදී අනෙකුත් ප්‍රධාන විදේශ ව්‍යවහාර මුදල් වර්ගවලට සාපේක්‍ෂව ශ්‍රී ලංකා රුපියල සැලකිය යුතු ලෙස පිරිහීමට ලක්ව ඇත.
මේ අනුව ශ්‍රී ලංකා රුපියල ඇමරිකානු ඩොලරයට සාපේක්‍ෂව සියයට 2.3කින් ද, යූරෝ මුදලට සාපේක්‍ෂව සියයට 10.4කින් ද, ස්ටර්ලින් පවුමට සාපේක්‍ෂව සියයට 9කින් ද, චීන යුවාන් මුදලට සාපේක්‍ෂව සියයට 3.8කින් ද, ජපන් යෙන් මුදලට සාපේක්‍ෂව සියයට 10.1 කින් ද, ඔස්ටේ්‍රලියානු ඩොලරයට සාපේක්‍ෂව සියයට 5.3කින් සහ ඉන්දියානු රුපියලට සාපේක්‍ෂව සියයට 2.5කින් ද මේ වසරේ (2025) පළමු මාස හයේදී පිරිහීමට ලක්ව ඇතැයි ශ්‍රී ලංකා මහ බැංකුව නිකුත් කළ නවතම වාර්තාවක සඳහන් වේ.
පසුගිය 2023 සහ 2024 යන වර්ෂ දෙකේදීම ශ්‍රී ලංකා රුපියල ඇමරිකානු ඩොලරය ඇතුළු අනෙකුත් ප්‍රධාන විදේශ ව්‍යවහාර මුදල් වර්ගවලට සාපේක්‍ෂව සැලකිය යුතු ලෙස ශක්තිමත් විය. මේ අනුව 2023 වසරේදී අමරිකානු ඩොලරයට සාපේක්‍ෂව ශ්‍රී ලංකා රුපියල සියයට 12.1කින් සහ 2024 වසරේදී ඇමරිකානු ඩොලරයට සාපේක්‍ෂව ශ්‍රී ලංකා රුපියල 10.7කින් ශක්තිමත් වී තිබේ.
ශ්‍යාම් නුවන් ගනේවත්ත
