වමේ සිට: Lankan Angel Network හි නිර්මාතෘ සහ ICTA අධ්‍යක්ෂ මණ්ඩල උපදේශක ප්‍රජීත් බලසුබ්‍රමනියම්, ICTA අධ්‍යක්ෂ මණ්ඩල උපදේශක මංගල කරුණාරත්න, Mastercard හි ශ්‍රී ලංකා සහ මාලදිවයින් කළමනාකරු සඳුන් හපුගොඩ, ඩිජිටල් ආර්ථික නියෝජ්‍ය අමාත්‍ය එරංග වීරරත්න, කර්මාන්ත හා ව්‍යවසායකත්ව සංවර්ධන නියෝජ්‍ය අමාත්‍ය චතුරංග අබේසිංහ, ඩිජිටල් ආර්ථික අමාත්‍යාංශයේ වැඩබලන ලේකම් වරුණ ශ්‍රී ධනපාල, ICTA අධ්‍යක්ෂ මණ්ඩල සාමාජික චන්දිම කුරේ, සහ ICTA ව්‍යවසායකත්ව පද්ධති සංවර්ධන උපදේශක මණ්ඩල සාමාජික හා ICTA හි විධායක අධ්‍යක්ෂ හේමින්ද ජයවීර යන මහත්වරු ඡායාරූපයට පෙනී සිටි අවස්ථාව .
ආධුනික ව්‍යවසාය (startup) සඳහා ශ්‍රී ලංකාවේ ප්‍රමුඛතම ආයෝජන වැඩසටහන ලෙසින් ක්‍රියාවට නැංවුණු Venture Engine, 2025 වසරේ වැඩසටහන දියත් කරමින් යළිත් වතාවක් සිය ආගමනය සනිටුහන් කිරිමට සැරසේ.
BOV Capital සහ Indian Angel Network එක්ව, Lankan Angel Network (LAN) හා අත්වැල් බැඳගනිමින් ආරම්භ කළ මෙම වැඩසටහන, ශ්‍රී ලංකා තොරතුරු හා සන්නිවේදන තාක්ෂණ නියෝජිතායතනය (ICTA) සහ ඩිජිටල් ආර්ථික අමාත්‍යාංශය මගින් සංවිධානය කරනු ලබන අතර,
ශ්‍රී ලංකාවේ ප්‍රමුඛතම startup සමුළුව වන Disrupt Asia හි සහයෙන් මෙවර එය පැවැත්වේ. ඒ හේතුවෙන්, ප්‍රථම වරට රාජ්‍ය හා පුද්ගලික අංශයේ සහයෝගිතාවයෙන් පැවැත්වෙන වැඩසටහනක් ලෙසින් Venture Engine මෙවර දියත් කෙරේ.
2025 ජුනි සිට සැප්තැම්බර් දක්වා පැවැත්වීමට නියමිත Venture Engine වැඩසටහන සඳහා අයදුම්පත් භාර ගැනීම, 2025 ජුනි 18 සිට ජූලි 15 දක්වා සිදුකෙරේ. www.ventureengine.lk වෙබ් අඩවිය හරහා අයදුම්පත් යොමුකළ හැක.
ශ්‍රී ලංකාවේ startups සඳහා අත්‍යවශ්‍ය මගපෙන්වීම ලබාදෙමින්, සම්බන්ධතා ජාලයක් ගොඩනගා ගැනීමට උපකාරී වීමෙන් හා ප්‍රචාරණය ලබාදීමෙන් ඒවා ශක්තිමත් කිරීමට Venture Engine අඛණ්ඩව දායක වනවා. ඒ නිසා, මෙම වැඩසටහනට යළිත් අපගේ සහයෝගය ලබාදීමට හැකිවිම සතුටට කාරණයක්.” යනුවෙන් ඩයලොග් ආසිආටා පීඑල්සී හි සමූහ ප්‍රධාන විධායක සුපුන් වීරසිංහ මහතා පැවසීය.” සමාජයට හා ආර්ථිකයට බලපෑමක් කළ හැකි ව්‍යාපාර, නිවැරදි සහයෝගය තුළින් සිය ප්‍රබල හැකියාවන් මුදාහරින ආකාරය අපි දැක තිබෙනවා. එම ව්‍යාපාරවල අඛණ්ඩ වර්ධනය හා සාර්ථකත්වය වෙනුවෙන් දායක වීමට අපි බලාපොරොත්තු වෙනවා.
