මල්වතුහිරිපිටිය වෙළෙඳ සංගමය ඇතුළු ප්‍රදේශවාසීන් වසර ගණනාවක් මුළුල්ලේ කරන ලද ඉල්ලීමකට අනුව මල්වතුහිරිපිටිය නගරයට අභිනවයෙන් ස්ථාපිත කරන ලද ලංකා බැංකුව ATM/CRM මූල්‍ය පහසුකම් සපයන ATM යන්ත්‍රය විවෘත කිරීමේ උත්සවය පැවැත්විණි.
ලංකා බැංකුවෙහි සභාපති කාවන් ද සොයිසා මහතාගේ උපදෙස් පරිදි බස්නාහිර පළාත් උතුර මහා කළමනාකාර සුදත් ලියනගේ, එම පළාත් මෙහෙයුම් කළමනාකාර මනෝජ් ප්‍රියංකර, එම පළාත් ඉංජිනේරු එම්. කේ. එම්. ලක්‍ෂ්මන් යන මහත්වරුන්ගේ මාර්ගෝපදේශකත්වයෙන් මෙම ATM යන්ත්‍රය ස්ථාපිත කරන ලදී.
මෙම විවෘත කිරීමේ අවස්ථාවට ප්‍රධාන අමුත්තා ලෙස බස්නාහිර පළාත් සහකාර මහා කළමනාකාර එස්. පී. සී. ලියනගේ, ගම්පහ අධිශ්‍රේණි ශාඛාවේ ජ්‍යෙෂ්ඨ කළමනාකාර ඩබ්. ඒ. ඩී. එල්. අබේගුණවර්ධන, මෙහෙයුම් කළමනාකාර ජේ. හෙට්ටිආරච්චි, සහකාර කළමනාකාර කේ. අයි. එල්. එම්. විජේතුංග, ණය අයකර ගැනීම් අංශ ප්‍රධානි එස්. පෙරේරා, ණය අංශ ප්‍රධානි ආර්. ටී. පෙරේරා යන මහත්ම මහත්මීන් ඇතුළු වෙළෙඳ සංගමය, නිලධාරි මණ්ඩලය සහ ප්‍රදේශවාසීහු ද එක්වූහ.
පින්තූරය – නිමල් දයාරත්න
