යුද්ධයට මැදි වී සිටින ගාසා තීරය සඳහා සකස් කර ඇති නවතම දින 60ක සටන් විරාමය සඳහා ඊශ්‍රායලය එකඟ වී ඇති බව ඇමරිකානු ජනාධිපති ඩොනල්ඩ් ට්‍රම්ප් පවසා තිබේ. අදාළ සටන් විරාම යෝජනාවේ අත්‍යවශ්‍යම කොන්දේසි සඳහා මේ අනුව ඊශ්‍රායලය එකඟ වී ඇති බව සිය ට්රුත් සෝෂල් සමාජ මාධ්‍ය ජාල ගිණුමෙහි සටහනක් තබමින් ට්‍රම්ප් ජනාධිපතිවරයා පවසා තිබේ.
ගාසා තීරය සඳහා යෝජිත දින 60ක සටන් විරාමය ක්‍රියාත්මක වන අතරතුර සියලුම පාර්ශ්වයන් සමග එක්ව ගාසා තීරයේ පවතින යුද්ධය අවසන් කිරීම සඳහා ඇමරිකාව ක්‍රියා කරන බවද ඔහු සඳහන් කර තිබේ. ගාසා තීරය සඳහා සාමය උදාකරලීමට උපකාර කිරීමට දැඩිලෙස වෙහෙස වී ක්‍රියා කරන කටාරය හා ඊජිප්තුව විසින් අවසන් ගාසා විරාම යෝජනාව ඉදිරිපත් කරනු ඇත. මම බලාපොරොත්තු වනවා හමාස් මෙම යෝජනාවට එකඟ වේවි කියලා. එයට හේතුව ගාසා තීරයේ තත්ත්වය හොඳ අතට හැරෙන පාටක් නොපෙනීමත් එය නරක තත්ත්වයකට පත්වීම පමණකි සිදු වීම නිසයි ඇමරිකානු ජනාධිපතිවරයා පවසා තිබේ. මේ අතර විදෙස් මාධ්‍යයන්ට අනුව ගාසා තීරය සඳහා වන දින 60ක සටන් විරාම යෝජනාවේ කොන්දේසිවලට එකඟ වූ බවට ඊශ්‍රායලය විසින් ඊයේ (02) දිනයේ තහවුරු කර නොතිබූ අතර හමාස් සංවිධානය ද මේ සම්බන්ධයෙන් කඩිනම් ප්‍රකාශයක් සිදු කර නොමැත.
