ශ්‍රී ලංකා නැගී එන ක්‍රිකට් කණ්ඩායම ලබන ජුනි මාසයේදී නිල නොවන සිව් දින තරග 2කට සහ එක්දින තරග 3කට සහභාගි වීම සඳහා බටහිර ඉන්දීය කොදෙව් දේශයට යෑමට නියමිතව තිබේ.
ශ්‍රී ලංකා නැගී එන කණ්ඩායම ජුනි මස 2 වැනිදා බටහිර ඉන්දීය කොදෙව් දේශයට පිටත්ව යන අතර සිව්දින තරගාවලියේ පළමු තරගය ජුනි මස 7 වැනිදා ඇරඹීමට නියමිතය. සිව්දින තරග 2 කුලිජ් ක්‍රිකට් ක්‍රීඩාංගණයේ පැවැත්වෙයි.
ඉන්පසු පන්දුවාර 50 ක්‍රිකට් තරගාවලිය ඇරඹෙන අතර එහි තරග 3ම පැවැත්වෙන්නේ ශ්‍රීමත් විවියන් රිචර්ඩ්ස් ක්‍රීඩාංගණයේදීය.
දින 25ක් පුරා මෙම තරගාවලිය පැවැත්වෙන අතර ශ්‍රී ලංකා නැගී එන කණ්ඩායම ජුනි මස 27 වැනිදා නැවත ශ්‍රී ලංකාවට පැමිණීමට නියමිතය.
සුසිල් ජයකොඩි
සංස්කරණය – සුසිල් ජයකොඩි
