බ්‍රිතාන්‍ය සරසවියකින් සොයා ගනී
බ්‍රිතාන්‍යයේ ප්ලිමත් විශ්වවිද්‍යාලය මගින් සිදු කළ පර්යේෂණයකට අනුව පසුගිය දශක දෙක පුරා ලෝකයේ සාගරයෙන් පහෙන් එකකටත් වැඩි ප්‍රමාණයක් අඳුරු වී ඇතැයි සොයාගෙන තිබේ.
මෙම පර්යේෂණයට අනුව ඇල්ගී වර්ධනයේ වෙනස්වීම සහ මුහුදේ මතුපිට උෂ්ණත්වය වෙනස් වීම වැනි සාධක සාගරය අඳුරු වීමට හේතු කාරක වන බව විශ්වාස කෙරේ. මෙය පෘථිවියේ මුහුදු ජීවීන් හා පාරිසරික කෘත්‍යයන්වලට විශාල වශයෙන් බලපෑම් ඇති විය හැකි බව විද්‍යාඥයෝ පෙන්වා දෙති.
සාගරයෙන් 9%ටත් වැඩි ප්‍රමාණයක, එනම් ප්‍රමාණයෙන් අප්‍රිකානු මහද්වීපයට සමාන වපසරියක හිරුඑළිය ළඟා විය හැකි ගැඹුර අඩි 164කට වඩා (50m) අඩු වී ඇතැයි මෙම අධ්‍යයනයෙන් සොයා ගෙන තිබේ.
චතුර පමුණුව
