මාස දෙකකට පමණ ප්‍රමාණවත් ඉන්ධන තොග රට තුළ පවතින බව බලශක්ති අමාත්‍යාංශ ලේකම් මහාචාර්ය කේ.ටී.එම්. උදයංග හේමපාල මහතා (23දා) පැවසීය.
මෙරට ඉන්ධන ක්ෂේත්‍රයේ මෙහෙයුම් සිදුකරන විදෙස් සමාගම් හතරම ඉදිරි මාස සඳහා ප්‍රමාණවත් ඉන්ධන තොග පවතින බව දැනුම් දී ඇති බවත් ඛනිජ තෙල් සංස්ථාව සතුව ද ඉදිරි මාස දෙකකට ප්‍රමාණවත් සංචිත පවතින බවත් ලේකම්වරයා කීය.
සිංගප්පූරුව හරහා දැනට ඇණවුම් කර ඇති ඉන්ධන තොග නියමිත වෙලාවට ලැබෙන බවට විදෙස් සමාගම් තහවුරු කර තිබෙන බව පැවසූ හේමපාල මහතා දැනට පවතින ඊශ්‍රායල් – ඉරාන යුද්ධය දිගු කාලයක් ඇදී නොයනු ඇතැයි තමා විශ්වාස කරන බවද කීය.
චමින්ද සිල්වා
