ජීවනී, ඉන්සියුලීන් ඇතුළු අත්‍යවශ්‍ය ඖෂධ 15ක පමණ හිඟයක් පෞද්ගලික ඔසුසල්වල ද පවතින බව සමස්ත ලංකා පෞද්ගලික ඔසුසල් හිමියන්ගේ සංගමයේ මාධ්‍ය ප්‍රකාශක සිදත් සුරංග මහතා පැවසීය.
පිළිකා රෝගීන්ට සහ කුඩා දරුවන්ට ලබාදෙන ඖෂධ ඇතුළු ඖෂධ වර්ග 15ක පමණ හිඟයක් පවතින බවත් ඉන් ජීවනී සහ ඉන්සියුලීන් හිඟවීම ගැටලුවක් බවත් ඒ මහතා කියයි.
නිසි කලට ඇණවුම් නොකිරීම ඇතුළු විවිධ හේතු නිසා මෙම ඖෂධවල හිඟයක් පවතින බවත් තම සංගමයේ ඖෂධහල් හිමියන් සමග සාකච්ඡා කර ඒවා ලබාගත හැකි ඖෂධහල් පිළිබඳව මහජනතාව දැනුවත් කරන බවත් හෙතෙම කියා සිටියේය.
චමින්ද සිල්වා
