විපක්ෂ නායක සජිත් ප්‍රේමදාස
පළාත් පාලන ආයතන මාර්ගෝපදේශ සංග්‍රහය ආණ්ඩුව විසින් අමුඅමුවේ උල්ලංඝනය කරලා යැයි විපක්ෂ නායක සජිත් ප්‍රේමදාස මහතා කියා සිටී.
පළාත් පාලන ආයතනයක සමස්ත සභික ප්‍රමාණයෙන් 50කට වැඩි ප්‍රමාණයක් කිසිදු දේශපාලන පක්ෂයක් හෝ ස්වාධීන කණ්ඩායමක් විසින් ලබා නොමැති අවස්ථාවලදී සභාපති හා උපසභාපති තෝරන මාර්ගෝපදේශ රාජ්‍ය පරිපාලන පළාත් සභා හා පළාත් පාලන අමාත්‍යාංශය 2025 නිකුත් කර ඇති බවත් මෙම
මාර්ගෝපදේශ අනුගමනය කරමින් රටේ ප්‍රදේශවල මේ කාර්යය නියමිත ආකාරයට ක්‍රියාත්මක වන අවස්ථාවල සමගි ජන බලවේගයට හා විපක්ෂයට සභා ගණනාවක බලය හිමි වූ බැවින් වත්මන් රජය මේ වන විට බලපෑම් කරමින් මෙහි සඳහන්
මාර්ගෝපදේශ වෙනස් කර ක්‍රියාත්මක කිරීමට කටයුතු කර ඇති බවත් විපක්ෂ නායක සජිත් ප්‍රේමදාස මහතා විශේෂ ප්‍රකාශයක් කරමින් ඊයේ (16දා) පැවසීය.
එම මාර්ගෝපදේශවල 07 වැනි පිටුවේ රහස් ඡන්දයක් හෝ විවෘත ඡන්දයක් පැවැත්වීම ගැන මත විමසන ආකාරය සඳහන් බවත් එහිදී එක් එක් සභිකයාගේ නම අඬගසා විමසන ආකාරය ගැන සඳහන්ව ඇති බවත් එසේ තිබියදී සමගි ජන බලවේගයත් විපක්ෂයත් මේ
මාර්ගෝපදේශ අනුගමනය කිරීම ක්‍රියාත්මක කිරීම තුළ සභාවල බලය ගැනීම නිසා අත්තනෝමතික ලෙස මේ මාර්ගෝපදේශ වෙනස් කරන්නට බලධාරීන් ඒ ඒ ප්‍රදේශ භාර පළාත් පාලන කොමසාරිස්වරුන් කටයුතු කර ඇති බවත් විපක්ෂ නායක කීය.
