මේෂ – ක්‍රියාකාරකම් බහුල වෙයි. දුරගමන් ද යෙදෙන අතර අමතර ක්‍රියාකාරකම් ද යෙදේ. ඉඩකඩම් පිළිබඳ ගැටලු සාධාරණව විසඳේ. අමතර ලාභ ද ගෙන දෙයි. දහමට යොමුව ක්‍රියා කරයි. සිරස රෝග, උෂ්ණ රෝග මතු වේ. ශුභ වර්ණය – තද රෝස, ජය අංකය 01
වෘෂභ – තරමක් ක්‍රියාකාරකම් බහුල දිනකි. තමන්ගෙන් කෙරෙන ක්‍රියාකාරකම් හරියට ඉටු කරයි. දුරස්ථ වී සිටි ඥාති මිත්‍රාදින් සමීප කරවයි. තරමක් වෙහෙසව ක්‍රියා කරයි. හදිසි ධන ලාභ ද දෙයි. සන්ධි රෝග, ස්නායු රෝග මතු වෙයි. ශුභ වර්ණය – සුදු, ජය අංකය 07
මිථුන – ක්‍රියාකාරකම් බහුලයි. තරමක් තම ක්‍රියාකාරකම් අතපසුවීමට හේතුයි. දූරදර්ශිව ක්‍රියා කිරීම ද මැනවි. ප්‍රේම සබඳතා වර්ධනය වෙයි. උත්සව, සාද වැනි දේවල් ද යෙදේ. භූමි ලාභ ගෙන දෙයි. මුත්‍රා රෝග, අශ්මරි රෝග මතු වේ. ශුභ වර්ණය – ලා කොළ, ජය අංකය 08
කටක – රාජකාරි බහුල දිනකි. තම සැලසුම් බාධා ගෙන දෙයි. තරමක් වැයපස ඉහළ යන ක්‍රියාකාරකම් ද යෙදේ. තම වටිනාකම ද ප්‍රදර්ශනය වෙයි. උදාසීන දිනකි. හදිසි ලාභ ලබයි. සෙම් රෝග, ඌෂ්ණ රෝග මතු කරයි. ශුභ වර්ණය – රන්වන්, ජය අංකය 05
සිංහ – ශුභා ශුභ ඵල මතු කරයි. කරගෙන පැමිණි ව්‍යාපාරවල හැලහැප්පීම් මතු කරයි. නමුත් ඉවසීමෙන් ක්‍රියා කළ යුතු දිනකි. සමාජ සත්කාරක ක්‍රියාවල ද යෙදේ. වාතාධික රෝග ද මතු කරයි. ශුභ වර්ණය – තැඹිලි, ජය අංකය 01
කන්‍යා – ශුභා ශුභ ඵල මතු කරයි. තරමක් පීඩා කර්ම දැනේ. ව්‍යාපාරවල තරමක ප්‍රගතියකට හේතු ගෙන දෙයි. තම ඥාතීන් වෙනුවෙන් පොදු සේවා කටයුතු වෙනුවෙන් වැයපස ඉහළ යයි. පාද ආබාධ දෙයි. ශුභ වර්ණය – කොළ, ජය අංකය 06
තුලා – අවිවේකි දිනකි. ක්‍රියාකාරිවල ද පැටලලි ස්වරූප මතු කරයි. මනසට අවිවේකය ගෙන දෙන අතර කෙටි ගමන් බිමන් ද යෙදේ. වැයපස ද ඉහළ යයි. සෙම් කෝප රෝග මතු වෙයි. රාජකාරි බහුල වෙයි. ශුභ වර්ණය – ක්‍රීම්, ජය අංකය 07
වෘශ්චික – සාමාන්‍ය ලෙසින් දවස ගෙවන අතර තම සැලසුම් ක්‍රියා කිරීමට නොහැකි වෙයි. ළඟම ඥාතියකු වෙනුවෙන් තරමක් මිල මුදල් වැය කිරීමට සිදුවෙයි. පෙනහලු ආසාදන රෝග මතු කරයි. වෙහෙස ගෙන දෙයි. ශුභ වර්ණය – රතු, ජය අංකය 03
ධනු – ප්‍රීති උත්සව, සාද වැනි දේවලට සහභාගි වීමේ අවස්ථා යෙදේ. අලංකාර කටයුතු සඳහා විය පැහැදම් අධික වෙයි. ආගමික චාරිත්‍ර ගරු කරන දිනකි. හදිසි ධන ලාභ ලබයි. ආහාර විසවීම්වලට හේතුයි. ශුභ වර්ණය – කහ, ජය අංකය 04
මකර – ශුභා ශුභ මිශ්‍රඵල දෙයි. දුරස්ථව සිටි ඥාතින් සමීප වෙයි. තරමක් ආත්මාර්ථකාමී ගති මතු වෙයි. ආගමික චාරිත්‍ර, දාන ශීලාදි ගුණ ධර්මවලට ගරු කරයි. අවිවේකි බව දෙයි. හදිසි රෝග, කැපුම්, කෙටුම් යෙදේ. ශුභ වර්ණය – නිල්, ජය අංකය 02
කුම්භ – ක්‍රියාශීලි දිනකි. නමුත් අවිවේකය ඇති වෙයි. ප්‍රීති උත්සව සුහදතා වර්ධන කරන ක්‍රියා ආදියෙහි යෙදේ. ඇසුරින් දුරස්ථ ඥාති මිත්‍රාදින් සමීප වෙයි. තෘප්තිමත්ව ක්‍රියා කරයි. ස්නායු ගත රෝග මතු කරයි. ශුභ වර්ණය – දම්, ජය අංකය 05
මීන – සැහැල්ලුවෙන් දවස ගෙවයි. දහමට අවතීර්ණව අධ්‍යාත්මික ගුණ කෙරෙහි අවදානයෙන් සිටිය යුතුය. පදිංචියේ වෙනසකට ක්‍රියා කරයි. හදිසි ධන ලාභ ද ලබයි. වාතාධික රෝග මතු කරයි. ශුභ වර්ණය – ලා දුඹුරු, ජය අංකය 09
