ඊශ්‍රායලය හා ඉරානය අතර ක්‍රියාත්මක වන සටන් විරාමය දෙවැනි දිනයට එළඹෙද්දී ඇමෙරිකාව ලබන සතියේදී ඉරානය සමග සාකච්ඡා පවත්වන බව ඇමෙරිකානු ජනාධිපති ඩොනල්ඩ් ට්‍රම්ප් විසින් ප්‍රකාශ කර තිබේ. නෙදර්ලන්තයේ පැවැත්වෙන නේටෝ සමුළුවට සහභාගි වන අතරතුර මාධ්‍යවේදීන් අමතමින් ඇමෙරිකානු ජනාධිපතිවරයා මේ බව ප්‍රකාශ කර ඇති අතර පැවැත්වීමට නියමිත සාකච්ඡාවලදී ඇමෙරිකාව හා ඉරානය අතර ගිවිසුමක් අත්සන් තැබීමට ද ඉඩ ඇතැයි ඔහු සඳහන් කර තිබේ.
මේ අතර ඇමෙරිකානු – ඉරාන සාකච්ඡා හරහා මැදපෙරදිග කලාපයේ දීර්ඝකාලීන සාමයක් පිළිබඳව බලාපොරොත්තු තබාගත හැකි බව දේශපාලන විචාරකයන් විසින් පෙන්වා දී තිබේ.
සංස්කරණය – ඒමන්ති මාරඹේ
