එක්සත් ජාතීන්ගේ සංවිධානයට අයත් ජාත්‍යන්තර පරමාණු බලශක්ති ආයතනය සමග පවතින සබඳකම් අත්හිටුවීමේ යෝජනාවක් ඊයේ (25) ඉරාන පාර්ලිමේන්තුව විසින් සම්මත කරගෙන තිබේ. අදාළ යෝජනාව සම්මත කරගැනීමෙන් පසු ඉරාන පාර්ලිමේන්තු මන්ත්‍රීවරුන් ඇමරිකාවට මරණය, ඊශ්‍රායලයට මරණය යනුවෙන් සටන් පාඨ පවසා ඇති බව වාර්තාවේ. ඊශ්‍රායල – ඉරාන යුද්ධයේදී ඊශ්‍රායලය විසින් ඉරානයට එල්ල කළ ප්‍රහාරයන් ජාත්‍යන්තර පරමාණු බලශක්ති ආයතනය විසින් විවේචනය නොකිරීම සම්බන්ධයෙන් ඉරානය පසුගිය දිනවල දිගින් දිගටම එම ආයතනය විවේචනය කර තිබිණි.
මේ අතර ඊශ්‍රායලය සමග පැවති දින 12ක යුද්ධය නිමා කළ බවත් එම යුද්ධයේදී ඉරානය විරෝධාර ලෙස සටන් වැදුණු බවත් ඉරාන ජනාධිපති මසාවුඩ් පෙසෙෂ්කියාන් ඉරාන රජයේ රූපවහිනිය ඔස්සේ ජාතිය අමතමින් ප්‍රකාශ කර තිබේ. ඊශ්‍රායලය හා ඉරානය අතර පැවති යුද්ධය සටන් විරාමයත් සමගම නිම වෙද්දී සිය රටේ න්‍යෂ්ටික වැඩපිළිවෙළ සම්බන්ධයෙන් සාකච්ඡා නැවත ඇරඹීමට සූදානම් බවද ඉරාන ජනාධිපතිවරයා පවසා තිබේ. මේ අතර යුද්ධය නිම වීමෙන් පසු ඉරානයේ ටෙහෙරාන් අගනුවර ජනතාව ජයග්‍රහණය සමරා ඇති බව විදෙස් මාධ්‍ය පවසය.ි
සංස්කරණය ඒමන්ති මාරඹේ
