සී. ඩබ්ලිව්. මැකී පීඑල්සී සමාගම රිදීමාලියද්ද මහවැලි අධිකාරිය සමඟ එක්ව සංවිධානය කරන ලද සී. ඩබ්ලිව්. මැකී පීඑල්සී සමාගමට අනුබද්ධිත ස්කෑන් ජම්බෝ පීනට් වෙළෙඳ සන්නාමය හා එක්වී සිටින දේශීය ජම්බෝ රටකජු ගොවි පවුල්වල දරු දැරියන්ගේ අධ්‍යාපනික අවශ්‍යතා සපුරාදීමේ ‘ස්කෑන් දරු දිරිය’ ප්‍රජා සත්කාරක ව්‍යාපෘතියෙහි දෙවන අදියර මහියංගණය රිදීමාලියද්ද මහවැලි අධිකාරි ශ්‍රවණාගාරයේදී ඉකුත්දා සිදු කෙරිණි.
‘ස්කෑන් ජම්බෝ පීනට්’ සැකසීම සඳහා එම සමාගමට දේශීයව ජම්බො රටකජු සපයන ගොවි පවුල් සවිබල ගැන්වීමේ ප්‍රජා සත්කාරක ව්‍යාපෘතිය ලෙස ‘ස්කෑන් දරු දිරිය’ ව්‍යෘපෘතියෙහි දෙවන අදියර ආරම්භ කෙරුණේ සී. ඩබ්ලිව්. මැකී පීඑල්සී සමාගමේ අධ්‍යක්ෂ/සමූහ මෙහෙයුම් නිලධාරී මංගල පෙරේරා මහතාගේ ප්‍රධානත්වයෙනි.
මෙරට ජම්බෝ රටකජු වගා කරන ගොවීන් ශක්තිමත් කිරීමේ ජාතික කර්තව්‍යයට උරදෙමින් කෘෂි ආර්ථිකය ඉහළ නැංවීමේ අරමුණින් රජයේ ආයතන සමඟ මින් පෙර එළඹුණු හවුල්කාරීත්ව ගිවිසුමට සමගාමීව මේ ව්‍යාපෘතිය ක්‍රියාවට නැංවේ.
සිය නිෂ්පාදන ක්‍රියාවලියට වැඩි දායකත්වයක් සපයන පිරිස වෙනුවෙන් එම ව්‍යාපෘතිය හා බැඳී සිටින මහියංගණය – රිදීමාලියද්ද ගම්මානයේ ගොවි පවුල් 75කගේ ජීවනෝපායට අත්වැලක් සලසමින් ඔවුන්ගේ දරුවන් 100 දෙනෙකුගේ අධ්‍යාපන කටයුතු සඳහා අවශ්‍ය පහසුකම් සැලසීමට ‘ස්කෑන් දරු දිරිය ’ව්‍යාපෘතියෙහි දෙවන අදියර යටතේ අපේක්ෂා කෙරේ.අවශ්‍ය උපකරණ පිරිනැමීමද සිදු කෙරිණි.
අධ්‍යක්ෂ/සමූහ මෙහෙයුම් නිලධාරි මංගල පෙරේරා මහතා විසින් පාසල් උපකරණ පිරිනමන අවස්ථාව ඡායාරූපයෙන් දැක්වේ
