2025 ලුබි්‍රකන්ට් සහ රථවාහන නඩත්තු නිෂ්පාදන සඳහා ලෝකයේ කීර්තිමත්ම සමාගමක් වන ජපානයේ (ටොටාචි) TOTACHI Industrial Pte. Ltd සමාගම පසුගියදා සිය 2025 ගෝලීය බෙදාහරින්නන්ගේ සමුළුව ශ්‍රී ලංකාවේදී පැවත්වීය. මෙම සුවිශේෂී අවස්ථාව සඳහා රටවල් 50 කට අධික සංඛ්‍යාවක් නියෝජනය කරමින් TOTACHI සමාගමේ හවුල්කරුවන්, බෙදාහරීමේ නියේජිතයන් සහ ක්‍ෂේත්‍රයේ ප්‍රමුඛයන් ගණනාවක් සහභාගි වූ අතර සමුළුව නව්‍යකරණය, සහයෝගීතාවය සහ ගෝලීය ක්‍රමෝපාය මූලික කරගෙන දින හතරක් පුරා පැවත්විණි.
ඉතා ආකර්ෂණීය සමාරම්භක උත්සවයක් සමඟින් ඇරඹුණු මෙම සමුළුව ජූනි මස 10 වැනි දින සිට 13 දක්වා, කොළඹ – සිනමන් ලයිෆ් හෝටලයේදී සහ හම්බන්තොට – ශැන්ග්‍රිලා හෝටලයේදී අදියර දෙකක් යටතේ පැවැත්වූ අතර පළමු අදියරේදී ව්‍යාපාරයන්ට සම්බන්ධ වැදගත් අදහස්, තාක්ෂණික දැනුම සහ අනාගත ව්‍යාපාර සැලසුම් ගැන සාකච්ඡා විය. දෙවන අදියරේදී සමූහ ක්‍රියාකාරකම්, වැඩමුළු සඳහා වැඩි ඉඩක් වෙන් විය.
සමුළුවේ වැදගත්ම අවස්ථාව වූයේ TOTACHI සන්නාමය ගෝලීය වෙළෙඳපොළ තුළ තවදුරටත් සවිමත් කිරීම ඉලක්ක කරගත් නව වැඩසටහන් දියත් කිරීමයි. මෙම නව වැඩටසහන් අතර තාක්ෂණික සහයෝගීතා පද්ධති දියුණු කිරීම, නව නිෂ්පාදන හඳුන්වාදීම සහ තරගකාරී වෙළෙඳපොළ තුළ බෙදාහරින්නන්ගේ සාර්ථකත්වය වර්ධනය කිරීම වෙනුවෙන් ඩිජිටල් පරිවර්තන ක්‍රමෝපාය සැළසුම් වැනි වැඩසටහන් සුවිශේෂී විය.
මෙම සමුළුව අතරතුර ශ්‍රී ලංකාවේ TOTACHI සඳහා බලයලත් විශේෂ නියෝජිතයා වන ජී. එස්. ලුබි්‍රකන්ට්ස් ලිමිටඩ් (G S Lubricants Limited) සමාගම විශිෂ්ටතම බෙදා හරින්නා සම්මානයෙන් ගෞරවයට පාත්‍ර වීමද විශේෂත්වයකි. මෙම සම්මානය G S Lubricants සමාගම වෙත ප්‍රදානය කෙරුණේ ඔවුන් විසින් දක්වා තිබූ කැපවීම, ඉහළ වෙළෙඳපොළ කාර්යක්ෂමතාවය, විශිෂ්ට සන්නාම නියෝජනය සම්බන්ධයෙන් කෙරුණු ඇගයීමක් වශයෙනි. එමෙන්ම මෙම සම්මානය ගෝලීය ලුබි්‍රකන්ට් ක්‍ෂේත්‍රය තුළ, රථවාහන නව්‍යකරණය සහ ව්‍යාපාර නායකත්වය අතින් ශ්‍රී ලංකාවටම කීර්තිමත් තැනක් අත්පත් කර දුන් අවස්ථාවක් වශයෙන් හැඳින්විය හැකිය.
