ඊශ්‍රායලයේ උතුරු හා මධ්‍යම නාගරික ප්‍රදේශවලට ඉරාන මිසයිල ප්‍රහාර ගණනාවක් එල්ල වී ඇති බව ඊශ්‍රායලයේ ශ්‍රී ලංකා තානාපති නිමල් බණ්ඩාර පවසයි.
ඒ , අද ( 22 ) ඉරානයේ න්‍යෂ්ටික බලාගාර කිහිපයකට එල්ලවූ අමෙරිකානු ප්‍රහාරවලින් පසුව ය .
ඉරානයේ න්‍යෂ්ටික බලාගාර ආශ්‍රිත ප්‍රදේශවලට ඇමරිකානු ප්‍රහාර 3ක් එල්ල කිරීමෙන් පසු අද උදේ 8.00 පමණ ඊශ්‍රායලයේ උතුරු හා මධ්‍යම නාගරික ප්‍රදේශවලට මිසයිල ප්‍රහාර ගණනාවක් එල්ල වී අතර දවස පුරා මේ තත්ත්වය වර්ධනය විය හැකි බව ඊශ්‍රායල ආරක්ෂක අධිකාරීන් දන්වා සිටීන බව ඔහු වැඩි දුරටත් සිය නිවේදනයේ සඳහන් කර තිබේ .
ඒ අනුව ,ඊශ්‍රායලයේ සිටින සියලුම ශ්‍රී ලාංකිකයන් එල්ලවිය හැකි මෙවැනි ප්‍රහාරවලින් බේරීම සඳහා නිසි ආරක්ෂක උපදෙස් පිළිපදින ලෙස ඉල්ලා සිටින බවද ඔහු දන්වා තිබේ .
