අද (30 ) විශේෂ පාර්ලිමේන්තු රැස්වීම් දිනයක් ලෙස , කථානායක වෛද්‍ය ජගත් වික්‍රමරත්න මහතාගේ ප්‍රධානත්වයෙන් පෙරවරු 09.30ට
රැස්වීමට නියමිතය.
2024 අංක 44 දරන රාජ්‍ය මූල්‍ය කළමනාකරණ පනතේ 11 වැනි වගන්තිය ප්‍රකාරව එක් එක් වර්ෂයේ ජූනි 30 හෝ එදිනට පෙර ආණ්ඩුව විසින් මූල්‍ය ක්‍රමෝපාය ප්‍රකාශයක් නිවේදනය කිරීමේ අවශ්‍යතාවය සම්පූර්ණ කිරීම සඳහා පාර්ලිමේන්තුව මෙලෙස රැස්වීමට නියමිත ය .
පාර්ලිමේන්තුවේ ස්ථාවර නියෝග 16 ප්‍රකාරව , අග්‍රාමාත්‍යවරිය විසින් කරනු ලැබූ ඉල්ලීමක් මත කථානායකවරයා විසින් මෙලෙස පාර්ලිමේන්තුව කැඳවනු ලැබ තිබේ.
ඒ අනුව මීට අදාළව ආණ්ඩුව විසින් ගෙන එනු ලබන සභාව කල්තැබීමේ විවාදය පස්වරු 4.30 දක්වා පැවැත්වීමට නියමිතය.
පාර්ලිමේන්තුව යළි රැස්වීමට නියමිතව ඇත්තේ , ජූලි මාසයේ 8, 9 සහ 11 යන දිනවල බව පාර්ලිමේන්තු මහලේකම් කාර්යාලය සඳහන් කළේය.
