මහනුවර දිසාපති ඉන්දික උඩවත්ත කියයි
මහනුවර දිස්ත්‍රික්කයේ පවතින ආකර්ශනීය පාරිසරික සංචාරක ප්‍රදේශයක් වන මීමුරේ වෙත නැවත දන්වන තුරු සංචාර සඳහා පැමිණීමෙන් වළකින ලෙස මහනුවර දිසාපති ඉන්දික උඩවත්ත මහතා දන්වා සිටියි.
හුන්නස්ගිරිය මීමුරේ මාර්ගයේ 28 වන කිලෝ මීටරය පවතින ස්ථානයේ පිහිටි කයිකාවල පාලමේ සිදුකරනු ලබන ප්‍රතිසංස්කරණ කටයුත්තක් අතරතුර ඇති වී තිබෙන හදිසි ආපදා තත්ත්වයක් හේතුවෙන් එම පාලම හරහා වාහන ධාවනය කිරීම තාවකාලිකව අත්හිටුවා ඇති බව මහනුවර දිස්ත්‍රික් ලේකම් ඉන්දික උඩවත්ත මහතා පවසයි. මාර්ග සංවර්ධන අධිකාරිය මගින් සිදුකරනු ලබන මෙම ප්‍රතිසංස්කරණ කටයුත්ත අතරතුර ඇති වී ඇති හදිසි ආපදාව හේතුවෙන් මීමුරේ ප්‍රදේශය වෙත විනෝද සංචාර හා අනිකුත් අවශ්‍යතා සඳහා නැවත දන්වන තුරු පැමිණීමෙන් වළකින ලෙසද මහනුවර දිසාපති ඉන්දික උඩවත්ත මහතා වැඩි දුරටත් දන්වා සිටියි.
ජානක සම්පත් බණ්ඩාර – ගුන්නෑපාන
