ත්‍රිකුණාමලයේ සිට යාපනය බලා ධාවනය වෙමින් තිබූ ලංගම බස් රථයේ රියැදුරුට රියැදුරු අසුන මතම හෘදයාබාධයක් වැළඳී තිබියදීත් පරෙස්සමෙන් බස් රථය පාරෙන් අයින් කොට නැවතීමත් සමඟම ඔහු අසුන මත 05 දා සිහිසුන්ව ඇද වැටී තිබේ.
වහාම ක්‍රියාත්මක වූ මගීන් පිරිසක් රියැදුරුව චාවකච්චේරී රෝහලට ඇතුළත් කොට තිබේ.
සිද්ධිය පිළිබඳව යාපනය ලංගම ඩිපෝවට දැනුම් දීමෙන් පසුව වෙනත් බස් රථයකින් මගීන් යාපනය වෙත රැගෙන ගොස් තිබේ. බස් රථයේ රියැදුරු මේ වන විට චාවකච්චේරී රෝහලේ ප්‍රතිකාර ලබයි.
ඔහුට හෘදයාබාධයක් වැළඳීමේ පූර්ව රෝග ලක්ෂණ පහළවීමත් සමගම ඔහු මගීන් ගැන සැලකිලිමත් වී ඔවුන්ව ඉතා ආරක්ෂිතව බේරා ගැනීම පිළිබඳව බස් රථයේ මගීන්ගෙන් මෙන්ම යාපනය ලංගම ඩිපෝවේ ඉහළ නිලධාරීන්ගෙන් බස් රථ රියැදුරුට ප්‍රණාමය හිමි වී තිබේ. මේ අවස්ථාව වන විට බස් රථය තුළ මගීන් 62 ක් සිට ඇත.
දිනසේන රතුගමගේ
