AI (කෘත්‍රිම බුද්ධිය) තාක්ෂණයෙන් යුතු සිංහල – දමිළ භාෂා පරිවර්තන මෘදුකාංගයක් සකස් කිරීමට පියවර ගන්නා බව ඩිජිටල් ආර්ථික අමාත්‍යාංශය පවසයි.
මොරටුව විශ්වවිද්‍යාලය ඇතුළු විශ්වවිද්‍යාල කිහිපයක් හා පෞද්ගලික අංශය සමගද එක්ව මෙම මෘදුකාංගය සකස් කරන බව නියෝජ්‍ය ඇමැති එරංග වීරරත්න මහතා පවසයි.
මෙම නව මෘදුකාංගයෙන් සිංහලෙන් කතා කරන කරුණු තත්පර කීපයක් ඇතුළත දෙමළ බසටත්, දෙමළ බසින් කතා කරන දෑ තත්පර කීපයක් ඇතුළත සිංහල බසටත් පරිවර්තනය කිරීමේ හැකියාව පවතින බවද නියෝජ්‍ය ඇමැතිවරයා සඳහන් කරයි.
ඉදිරි මාස 06ක කාලයේදී මෙම මෘදුකාංගය සාමාන්‍ය ජනතාවට මුදාහැරීමට කටයුතු කරන බවද ඩිජිටල් ආර්ථික අමාත්‍යාංශය පවසයි.
සුජීව තත්සර
