අඛණ්ඩව 8 වන වරටත් ‘ඉහළම ජනාදරයට පත් ජීවිත රක්ෂණ සන්නාමය’
ශ්‍රී ලංකා ඉන්ෂුවරන්ස් ලයිෆ් (SLICLL) නැවත වරක් මෙරට ඉහළම ජනාදරයට පත් ජීවිත රක්ෂණ සන්නාමය ලෙස LMD හි නවතම සමීක්ෂණ වාර්තා අනුව අඛණ්ඩව 8 වන වරටත් පිදුම් ලබයි. ශ්‍රී ලංකා ඉන්ෂුවරන්ස් ලයිෆ් තම ව්‍යාපාර කටයුතු වලදී මෙරට ජනතාවගේ අවශ්‍යතාවයන් සහ උවමනාවන් වලට නිරතුරුවම මූලික තැන දෙන බවත් ඔවුන්ගේ අවශ්‍යතාවයන්ට සංවේදීව කටයුතු කරන බවත්, මෙම ඇගයීමට ලක්වීම සාක්ෂි දරයි.
පාරිභෝගිකයන්ට උසස් මට්ටමේ සේවාවක් සහ ඔවුන්ට වඩාත් හොඳම දේ ලබාදීම කේන්ද්‍ර කරගත් ශ්‍රී ලංකා ඉන්ෂුවරන්ස් ලයිෆ් තම
පාරිභෝගිකයන්ගේ කාලෝචිත අවශ්‍යතාවයන් සපුරාලීමට යුහුසුලව කටයුතු කරයි. 2024 වර්ෂයේදී හිමිකම් සහ කල්පිරීම් සඳහා මසකට රු. බිලියන 1 කට වඩා ගෙවීමක් කර ඇත. මින් පිළිබිඹු වන්නේ ශ්‍රී ලංකා ඉන්ෂුවරන්ස් ලයිෆ් හි මූල්‍ය ශක්තිය, පාරිභෝගිකයන් වෙත ලබා දුන් පොරොන්දු ඉටු කිරීම සහ වගකීම් ඉටු කිරීම සඳහා ඇති කැපවීමයි.
එසේම, රක්ෂණ ක්‍ෂේත්‍රයේ පුරෝගාමීත්වය තහවුරු කරමින් ක්‍ෂේත්‍රය තුළ ප්‍රකාශිත වැඩිම ජීවිත රක්ෂණ බෝනස් මුදල ලෙසින් සිය වාර්තාව අභිබවා යමින් 2023 වසර සඳහා ශ්‍රී ලංකා ඉන්ෂුවරන්ස් ලයිෆ් සිය ජිවිත රක්ෂණ ඔප්පු හිමියන් වෙත රු. බිලියන 11.2 ක දැවැන්ත මුදලක් බෝනස් ප්‍රතිලාභ ලෙස ප්‍රකාශයට පත් කිරීමට සමත්වූ අතර පසුගිය දශක දෙක තුළ ආයතනය විසින් ප්‍රකාශයට පත්කරන ලද අසමසම බෝනස් දීමනාවන්හි මුළු වටිනාකම රු. බිලියන 104 ඉක්මවා යයි.
ශ්‍රී ලංකා ඉන්ෂුවරන්ස් ලයිෆ් :SLICLL) සන්නාමයක් ලෙස පාරිභෝගිකයන් සහ ප්‍රජාව සමඟ සමීපව කටයුතු කරමින් ශ්‍රී ලංකාවේ පුරවැසියන්ගේ අවශ්‍යතා හඳුනා ගනිමින් ශ්‍රී ලාංකීය රක්ෂණ ක්‍ෂේත්‍රයේ ප්‍රමුඛස්ථානය ගනු ලබයි. මෙහි ප්‍රතිපලයක් ලෙස පසුගිය වසර තුළදී තම පාරිභෝගිකයන් සඳහා වඩාත් කාලෝචිත රක්ෂණ සැලසුම් කිහිපයක් SLIC Life හඳුන්වා දෙන ලදී. මේ අතර ‘Medi Champ’ සහ ‘Value Max’ යන රක්ෂණ සැලුම් ප්‍රධාන ස්ථානයක් ගනී.
‘Medi Champ’ රක්ෂණ ආවරණය විශේෂ වන්නේ එම ආවරණය තුළින් ඔප්පු හිමියාගේ කලත්‍රයා, දරුවන්, දෙමව්පියන් සහ කලත්‍රයාගේ දෙමව්පියන් ද එකම ආවරණයට ඇතුළත් කර ගැනීමට ඉඩ කඩ සලසා තිබීම, විදෙස් රටක (ඇමරිකාව සහ කැනඩාව හැර) වුවද ප්‍රතිකාර ගැනීමට හැකියාව සලසා තිබෙන අතර බාහිර රෝගී සේවාව ආදී වියදම් ඇතුළු ප්‍රතිලාභ රැසක් ලබාදෙන මෙම ආවරණය, ඔප්පු හිමියාගේ සදාකාලික අබාධිත තත්ත්වයක දී ආවරණයේ ඉතිරි වාරික ගෙවීමෙන් නිදහස් කරනු ලබයි.’Value Max’ රක්ෂණාවරණය තුළින් කෙටි කාලීන ආයෝජන හරහා වේගවත් මූල්‍ය ප්‍රතිලාභ අපේක්ෂා කරන ගනුදෙනුකරුවන්ට පහසුකම් සපයයි.
‘පියෙකු මෙන් මවකු මෙන්’ යන සන්නාම පොරොන්දුව කේන්ද්‍ර කර ගනිමින් ශ්‍රී ලංකා ඉන්ෂුවරන්ස් ලයිෆ් රටේ අභිවෘද්ධිය සඳහා නොයෙකුත් වැඩසටහන් ක්‍රියාත්මක කර ඇති අතර ඒ තුළින් මෙරට ජනතාව සමඟ සමීප සම්බන්ධතාවයක් ගොඩනගාගෙන ඇත.
