ජාතික ඉතිරිකිරීමේ බැංකුවේ මහබාගේ ශාඛාව විසින් පසුගියදා රාගම ඇලපිටිවල චන්ද්‍රවංශ විද්‍යාලයේ දරුවන් සඳහා පානීය ජල පද්ධතියක් පරිත්‍යාග කළා. ඒ විදුහල්පතිනි RMW ගමගේ මහත්මියගේ ඉල්ලීමකට අනුව, මේ සඳහා NSB ප්‍රාදේශීය කළමනාකරු නිහාල් සේනාධීර මහතා සහ මහබාගේ කළමනාකරු චන්දන රාමනායක ඇතුළු පිරිසක් සම්බන්ධ විය.
මීට සමගාමීව සාමාන්‍ය පෙළ දරුවන් සඳහා සිංහල සම්මන්ත්‍රණයක් ප්‍රවීණ දේශක සුමුදු සුබසිංහ මහතා විසින් පැවැත්වූ අතර, දරුවන් සඳහා “වතුර ඉතිරි කරමු” යන මැයෙන් චිත්‍ර තරගයක් පැවැත්වූ අතර ජයග්‍රාහකයන් සඳහා වටිනා ත්‍යාග ලබාදීමට කටයුතු කළා. අයිස්ක්‍රීම් දන්සල කාගේත් රසවත් මොහොතක් කළ අතර, පාසැල් පරිසරයට වටිනාකමක් එකතු කරමින් රුක් රෝපන වැඩසටහනක් ද ක්‍රියාත්මක කළා.
NSB යෝධ ඉතුරුම් කැටය සමග දරුවන්ට ඉතිරිකිරීමේ හොඳ පුරුද්ද ඇතිකිරීම සඳහා මෙම වැඩසටහන පැවති අතර, NSB මහබාගේ ශාඛාවේ සමීර, ශෙරෝන්, යසාරා, මහීමා, සංජීවනී, ඉසුරු, විරන්ත, හංසිකා, වෙනුර, සකුන්තලා, ශෙහානි, මල්ෂා, කවී, සමරදිවාකර ඇතුළු මහත්ම මහත්මීන් පිරිසක් මේ සඳහා සම්බන්ධ විය.
