කොළඹ මහ නගර සභාවේ මංගල සභාවාරය ලබන බ්‍රහස්පතින්දා (26දා) පෙරවරු 9.30 ට කොළඹ මහ නගර සභා රැස්වීම් ශාලාවේදී පැවැත්වේ.
සභා කටයුතු පවත්වාගෙන යෑම සඳහා අවශ්‍ය න්‍යාය පත්‍රය මේ වනවිට සකස් කරමින් ඇති බවත් එය සකස් කර නගර සභා මන්ත්‍රීවරුන් 117 දෙනාටම යොමු කරන බවත් කොළඹ මහ නගර සභාවේ කොමසාරිස් පාලිත නානායක්කාර මහතා ‘දිවයින’ ට ඊයේ (19දා) පැවැසීය.
කොළඹ මහ නගර සභාව සඳහා එක් පක්‍ෂයකට හෝ ස්වාධීන කණ්ඩායමකට බහුතර බලයක් (50% වැඩි) ලබා ගැනීමට නොහැකි වීම නිසා බස්නාහිර පළාත් පාලන කොමසාරිස් සාරංගිකා ජයසුන්දර මහත්මිය විසින් පසුගිය 16 වැනිදා සභාවේ එකඟතාව මත රහස් ඡන්දයක් පවත්වනු ලැබීය. එහිදී නගරාධිපතිනිය ලෙස ජාතික ජන බලවේගය පක්‍ෂයේ ව්‍රායි කැලී බල්තසාර් මහත්මිය තේරීපත් වූවාය. එහිදී ඇය ඡන්ද 61ක් ලබාගත් අතර නගරාධිපති ධුරයට සමගි ජන බලවේගය අපේක්‍ෂකයා ලෙස ඉදිරිපත් වූ රීසා සාරුක් මහතා ඡන්ද 54ක් ලබා ගත්තේය. මෙම ඡන්ද විමසීමේදී ඡන්ද 02ක් ප්‍රතික්‍ෂේප වී තිබුණි.
චමින්ද සිල්වා
