ජාත්‍යන්තර ක්‍රිකට් කවුන්සිලය (ICC) සංචිධානය කළ ලෝක ටෙස්ට් ශූරතාවලියේදී හයවැනි තැනට පත්වූ ශ්‍රී ලංකා කණ්ඩායමට අමෙරිකානු ඩොලර් 840,000ක් (ශ්‍රී ලංකා මුදලින් කෝටි 25ක්) පිරිනැමීමට අයිසීසීය කටයුතු යොදා තිබේ.
ලෝඩ්ස් හිදී පැවැත්වූ තරගයෙන් ජයගත් දකුණු අප්‍රිකාවට අමෙරිකානු ඩොලර් මිලියන 3.6ක මුදල් ත්‍යාගයක් (ශ්‍රී ලංකා රුපියල් කෝටි 108ක්) ප්‍රදානය කෙරේ. එම මුදල මෙයට පෙර ජයග්‍රහණය කළ නවසීලන්තය (2021) සහ ඔස්ටේ්‍රලියාව (2023) උපයා ගත් මුදල මෙන් දෙගුණයකටත් වඩා වැඩිවීම විශේෂත්වයකි. මෙවර අනුශූර ඔස්ටේ්‍රලියා කණ්ඩායමට අමෙරිකානු ඩොලර් 2,160,000ක් (ශ්‍රී ලංකා රුපියල් කෝටි 64. 56ක්) පිරිනැමුණු අතර, තෙවැනි ස්ථානයට පත්වූ ඉන්දියාවට අමෙරිකානු ඩොලර් 1,440,000 (ශ්‍රී ලංකා මුදලින් කෝටි 43ක්) හා හතරවැනි ස්ථානයට පත්වූ නවසීලන්තයට අමෙරිකානු ඩොලර් 1,200,000 (ශ්‍රී ලංකා මුදලින් කෝටි 36ක්) හිමිවේ.
