අවුරුදු 15න් පහළ පාසල් ක්‍රිකට් තරගාවලිය
කොළඹ රාජකීය විද්‍යාලය සහ පාදුක්ක සිරි පියරතන විද්‍යාලය අතර පැවැති වයස අවුරුදු 15න් පහළ පාසල් ක්‍රිකට් තරගාවලියේ දෙවන කාණ්ඩයේ පළමු තරගයෙන් පාදුක්ක සිරි පියරතන විදුහල පරදා ඉනිමක සහ ලකුණු 61ක ජයක් රාජකීය විදුහල ලබාගත්තේය.
කාසියේ වාසිය ජයග්‍රහණය කළ කොළඹ රාජකීය විදුහල් කණ්ඩායම පළමුව පන්දුවට පහරදීම සඳහා සිරි පියරතන විදුහලට ආරාධනා කළේය. පළමු ඉනිම සඳහා සිරි පියරතන විදුහලට සියලුම ක්‍රීඩකයින් දැවී ලබාගත හැකි වූයේ ලකුණු 66ක් පමණි. (පන්දු වාර 33.1)
පිළිතුරු ඉනිම ක්‍රීඩා කළ රාජකීය විදුහල් කණ්ඩායම පන්දු වාර 23.2 ක දී කඩුලු දෙකක් පමණක් දැවී ලකුණු 204 ලබා ගත්තේය. එහිදී විශිෂ්ට ඉනිමක් ක්‍රීඩා කළ රවිනු රණතුංග, පන්දු 46 කට පමණක් මුහුණ දී හයේ පහර 9 ක් සහ හතරේ පහර 9ක් සමඟ ශතකයක් ලබා ගත්තේය.
දෙවන ඉනිම සඳහා පිටියට පිවිසි සිරි පියරතන කණ්ඩායමට සියලුම ක්‍රීඩකයින් දැවී ලබාගත හැකි වූයේ දකුණු 77ක් පමණි. (පන්දු වාර 26.2)
එහිදී විශිෂ්ට පන්දු යැවීමක නිරත වූ රසිඳු රන්දිර පන්දු වාර 10.2 කදී ලකුණු 23කට කඩුලු 08ක් ලබා ගත්තේය. ඒ අනුව මෙම තරගාවලියේ රාජකීය විදුහල මුහුණ දුන් ප්‍රථම තරගයෙන් ඉනිමක සහ ලකුණු 66ක ජයක් ලබාගැනීමට සමත් විය.
